IG女神愛晒水着相！
《2016香港小姐競選》昨日舉行首輪面試，當中部分佳麗更勁有女神Feel，而《東網》亦火速將佢哋起底，發現佢哋時不時喺社交網上載性感相，睇到宅男噴晒血！
今次第一位介紹嘅係喺英國倫敦國王學院修讀經濟及政治系嘅Nicole Wong（黃鍶雅），靚女Nicole擁有S形Fit爆身材，上圍都幾豐滿吓，再加埋一身健康膚色，真係冇得輸呀Nicole平時最鍾意去沙灘，去得沙灘曬太陽梗係要着比堅尼，佢成日喺Instagram開心Share性感靚相，張張都甫士誘人，睇到噴晒鼻血呀！留意番，佢個IG都有過萬個人Follow，絕對係IG女神呀！Nicole除咗係IG女神之外，佢仲係Youtuber嚟架，平時不時拍片教人化妝添，睇番啲片，發現佢化妝技術高超，化到個鼻零舍高，成把間尺咁呀！
另一位要介紹，就係尋日已經幫大家起咗底嘅「甫士王」Crystal Fung（馮盈盈），佢同Nicole一樣都係女神，IG有成1萬7千個Follow。今日《東網》就為大家搵多啲佢嘅靚相，Crystal平時鍾意四圍度假，自自然然影落唔少水着靚相！高1米65嘅佢除咗樣靚身材正，仲擁有一雙白滑美腿，真係引死仔冇命賠呀！
來源 source: http://hk.on.cc
|
鍾意就快D Share啦！
|
|
|
