點解娜姐可以食極唔肥㗎！
貴為寫真界姐級人物嘅周秀娜，自從幾年前告別寫真界之後，佢幾乎同水着絕緣，大家最多只可以睇到佢晒吓自家品牌嘅內衣，對於宅男嚟講，真係一大悲哀。
不過俗語都有云「希望在明天」，係今日呢個端午節大日子，周秀娜突然心血來潮大派福利，喺IG大晒水着（疑似㗎咋），雖然只係得個上半身，但都夠大家熱血沸騰。舉晒V字手勢嘅娜姐仲留言：「端午節快樂！吃完不糭（腫）」，食字都玩埋，睇嚟娜姐心情有番咁上下靚。
而呢件事嘅另一亮點係，雖然娜姐話「吃完不糭」，但觀乎佢枱面上嘅食物，真係多到嚇親人。到底係佢識得計準卡路里食極唔肥，定還是佢得天獨厚食極唔明呢？小編真係唔肯定，小編唯一可以肯定嘅係，實有好多人葡萄娜姐咯！
來源 source: http://hk.on.cc
|
鍾意就快D Share啦！
|
|
|
