2016年6月5日 星期日

【撞樣兄弟】南方航空空少激似宋仲基 __,宋仲基,

邊個先至係真•老公?嗚!好亂呀!!神劇《太陽的後裔》播完已有一段時間,各位女士們有冇畀着住迷彩軍服、打不死嘅萬能「劉大尉」宋仲基電暈?宋Oppa自從憑《太陽》Hit爆全亞洲後,最近就忙住四圍去唔同地方搞粉絲見面會,而佢所到之地都必然引起萬千少女春心盪漾…呢日,宋Oppa又再畀粉絲捕獲(好似係),仲要着上空少服喺機艙上玩制服誘惑!各位女士們聽到後係咪流晒口水?咪咁心急住先,宋Oppa今次唔係拍綜藝節 ...


邊個先至係真•老公?嗚!好亂呀!!

神劇《太陽的後裔》播完已有一段時間,各位女士們有冇畀着住迷彩軍服、打不死嘅萬能「劉大尉」宋仲基電暈?宋Oppa自從憑《太陽》Hit爆全亞洲後,最近就忙住四圍去唔同地方搞粉絲見面會,而佢所到之地都必然引起萬千少女春心盪漾…呢日,宋Oppa又再畀粉絲捕獲(好似係),仲要着上空少服喺機艙上玩制服誘惑!各位女士們聽到後係咪流晒口水?咪咁心急住先,宋Oppa今次唔係拍綜藝節目,又唔係開新劇,無啦啦着空少服現身機艙…唔通轉咗行搵食?

原來,呢位暖男唔係大名鼎鼎嘅亞洲男神宋仲基,而係現職於中國南方航空公司嘅空少!1994年出世嘅佢,身高178cm,屬於具正義感嘅天秤座…而佢因為同宋仲基外貌相似,所以火速成為咗網民熱話。觀乎空少嘅側面,無論係髮型、五官、神態、微笑都同真•宋仲基似到十足,相信就算係粉絲,都極有可能搞錯誤以為佢係「老公」!之不過,再睇埋呢位假Oppa另外兩張分別喺室外同正面證件相,就知道佢係假冒喇!尤其係正面相,假Oppa嘅眉峰明顯向上戚,而真•宋仲基就略為平坦,面形亦比假Oppa更顯Baby fat,一睇就知龍與鳳!

最後,學志雲大師講番一句:「真的假不了,假的真不了。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...