咩叫「同人唔同命」？呢邊黃子恆喺度為「偷食事件」煩緊，另一邊曾經畀人話好似樣嘅袁偉豪就唔同喇！近年被大台捧上位又有港姐女友岑杏賢，仲有傳佢哋談婚論嫁o添！噚日下晝4點左右同袁偉豪同黃智雯就去咗灣仔星街拍劇外景。嗰場戲係講佢哋兩個坐喺路邊食缽仔糕，邊食邊傾咁樣，其實都幾輕鬆，不過唯一嘅問題就係天口興囉！佢哋每拍完一個鏡頭，都會要助手埋去幫佢哋印一印汗同補補妝，而黃智雯又因為係拍食嘢戲，見佢每拍完一cut都會攞塊鏡嚟照一照，好緊張自己嘅儀容。到班crew轉位時，黃智雯同袁偉豪就排戲同放break，仲見到黃智雯急急攞部手提風扇出嚟吹吓散吓熱，仲咗支冰凍嘅水出嚟飲，仲嚟手畀咗支水袁偉豪飲，袁偉豪咁夠膽一支水兩份飲？佢當然唔係「吹喇叭」咁飲，而係搵手指隔住離口咁飲，冇解避嫌吖嘛！嗱嗱嗱！袁偉豪唔止細心呀仲好gentlemen！同學們又到學嘢嘅時間！事關喺黃智雯飲水嘅時候，袁偉豪仲非常之咁gentlemen，怕黃智雯失儀態即刻企起身好man咁大字形擋喺黃智雯前面，免得對方嘅「飲樣」曝光，呢啲咪加分位囉！唔驚黃智雯個拍拖3年嘅珠寶集團高層男友詹文天（Anthony）同自己女友嬲豬，膽大心細又夠gentlemen，呢種男人邊度搵呢！
| 黃智雯同袁偉豪今日喺灣仔星街街邊嘆缽仔糕，仲share一支水飲。（攝影：徐錦池、吳耀輝） |  睇嚟都已經食咗唔少缽仔糕 |  袁偉豪個樣好滯吓 |
 黃智雯補妝時仲幾好笑容 |  點解食缽仔糕條脷要... |  又不忘照鏡驚有嘢黐牙 |
 袁偉豪唔知係咪熱得滯，個樣謝謝哋 |  黃智雯等再埋位時，要手提風扇出嚟吹住自己 |  黃智雯同男友詹文天（資料圖片） |
 袁偉豪同岑杏賢 |
來源 source: http://hk.apple.nextmedia.com
|
鍾意就快D Share啦！
|
|
|
