正所謂好事不出門，壞事傳千里，如果單壞事仲要係由「自己」傳開，都算死得眼閉呀！NBA爵士新人謝夫韋希家有索爆女友、2014年《花花公子》雜誌最佳玩伴Kennedy Summers，真係係男人都羨慕，偏偏呢個7呎中鋒唔識寶，早前外出「偷食」疑似同神秘女子拍拖睇戲狂歡，點知唔記得毀滅證據，最後梗係搞出大頭佛
話說韋希早前瞞住女友Summers話自己一個人去睇戲，點知事後就畀女友喺佢衫上摷到戲飛兩張，擺明有蠱惑韋希事後同女友解畫，話只係幫個身邊唔識嘅人買埋飛，請對方睇戲，堅持自己係清白，但白痴藉口真係搵鬼信咩？
更搞笑係呢個偷情笨賊蠢完一單又一單，原來佢之前畀咗自己Instagram戶口密碼女友，依家女友一肚氣，就實行將戲飛擺上網，以韋希身份「自爆」，將偷食惡行公諸於世。呢個假「韋希」喺Instagram寫上：「我對呢個女仔(Summers)不忠！有晚我同女友講我一個人睇戲，但佢搵到我買咗兩張飛嘅收據。更加死蠢係我竟然畀埋個Instagram密碼佢喎！」
衰到貼地，瘀爆全球，但韋希堅持做戲做全套，仲話自己只係唔好彩，將私事公告咗天下，同時強調自己從來冇不忠喎！算啦，聽你講，我都係睇吓Summers嘅靚相算喇！
來源 source: http://hk.on.cc
|
鍾意就快D Share啦！
|
|
|
