【15:40更新】惠康回應。惠康榴槤驚現蟲蟲！讀者何先生前日（24日）傍晚約6時，在大圍秦石邨惠康超級市場買餸。當中選購了一盒售價$30、已經包裝好的3件裝泰國金枕頭榴槤。何說：「諗住買嚟孝敬媽媽。」何到家後立刻把榴槤放入雪櫃保鮮，約3小時後媽媽放工回家才拿出來吃。何憶述指，母親先吃了兩件，拿起第3件咬了一小口，赫見一條啡色條狀物「郁吓郁吓」，連忙放下，並大叫：「嘩！有條蟲爬咗出嚟！」何檢視榴槤，「半條（從榴槤肉中）捐咗出嚟，之後鑽埋出嚟！手指尾咁大，成條蚯蚓咁，好恐怖！」六旬的何母即時反胃，「啷口扣喉嘔番出嚟，之後就覺得頭暈」。何續說：「捐出埋嗰陣後邊有啲嘢，可能嚇到瀨咗啲排泄物。」事後他致電食環署投訴，但感到對方態度冷淡「我問有咩跟進，食環署話要睇情況，仲叫我打去畀秦石邨嘅衛生幫 （食環署地區衞生督察）」。他覺得「好似一個部門推一個部門咁」感到失望，昨日將有蟲的榴槤，連同單據到惠康，成功退款。他指，事件令喜愛吃榴槤的母親留有陰影，以後不敢再吃，「最慘係，之前食咗兩嚿，食咗啲細蟲唔知，可能條蟲產咗卵都唔知。」《蘋果》到秦石邨惠康了解情況，但已經沒有包裝好的榴槤出售，只賣原隻未安的。惠康回覆《蘋果》查詢確認事件，並表示已退款，「對此個別事件表示關注」，又指「顧客如對所購買產品有任何疑問，可攜同貨品及單據到分店辦理換貨或退款手續。」想睇最新消息？ 即時follow【現場－蘋果突發】fb！http://fb.com/applecitycrime
| 蟲在榴槤上蠕動(何先生提供圖片) |  何先生在大圍秦石邨的惠康買到有蟲榴槤。(徐雲庭攝) |  涉事惠康今日收起已包裝的金枕頭榴槤，只賣原隻未開的。(徐雲庭攝) |
 (徐雲庭攝) |
|
鍾意就快D Share啦！
|
|
|
