掃呢頁CODE去手機

2016年7月14日 星期四

【同胡定欣傳不和】「最豪邊爐」網上瘋傳 滕麗名:睇落去係好團結… __,定欣,滕麗名,胡定欣,

劇中就係一屋老友記,劇外就有你冇我。今日有周刊用胡定欣嬲豬滕麗名,仲已經去到「有你冇我」嘅程度,兩人呢個幾月以來,只曾試過一次喺宣傳活動上碰頭。阿滕喺刊訪問亦已經話明,套劇係sellwarm同團結,大家合作得好開心。今日阿滕接受傳媒訪問,講到呢件事,佢話:「宣傳嚟啫,花邊新聞,其實大家都知呢套劇睇落去係開心同好團結,真係好難得,團結到咁齊心又咁warm,真係冇呢啲事發生。」佢仲話定欣只不過係有嘢做 ...


劇中就係一屋老友記,劇外就有你冇我。今日有周刊用胡定欣嬲豬滕麗名,仲已經去到「有你冇我」嘅程度,兩人呢個幾月以來,只曾試過一次喺宣傳活動上碰頭。阿滕喺刊訪問亦已經話明,套劇係sell warm同團結,大家合作得好開心。今日阿滕接受傳媒訪問,講到呢件事,佢話:「宣傳嚟啫,花邊新聞,其實大家都知呢套劇睇落去係開心同好團結,真係好難得,團結到咁齊心又咁warm,真係冇呢啲事發生。」佢仲話定欣只不過係有嘢做,所以嚟唔到。不過人紅自然是非多,再加上喺網民力谷嘅情況下,難免會有呢啲傳聞。對於o依家人氣同民心已經贏到離晒巷,阿滕竟然話開始有啲驚:「其實本意真係想套劇收得,但係如果再咁push,我有啲擔心會有更多花邊新聞,況且頒獎禮喺年尾先舉行,仲有好多劇未出晒。」阿滕仲話:「我相信好多藝人覺得攞獎係好大件事,但係某程度上,去到呢個moment,我覺得有冇獎攞呢件事反而係最少,網民嘅支持真係令我好感動,我自己都有去睇啲留言,原來做戲咁多年,真係有人鍾意,有人會睇同留意,只不過唔會有人出聲或者刻意去講,點知最後出嚟結果係一面倒,呢樣嘢真係令我好感動。」佢仲話:「返去公司個個都恭喜我,雖然我個樣係好尷尬,我自己唔知俾乜嘢反應好,但係嗰樣嘢真係warm,最初我同阿蟹都擔心,唔知觀眾鍾唔鍾意我哋兩個都咁嘈,好彩最後都冇事。」o依家啲觀眾其實好識得睇戲,已經唔再淨係睇戲,連道具、食物都好認真研究,所以噚日有唔少留言話佢哋豪打邊爐,阿滕話:「其實係PA嘅安排,唔關我哋事,我哋喺群組都留言話觀眾真係睇到,PA啲同事仲好細心,會講定乜嘢可以食,就算唔可以食嗰啲,都只係朝早去買嘅海鮮,雖然買完返嚟都擺咗喺雪櫃,但係開工要捱夜,唔知身體啲抵抗力,所以小心啲提一提,我哋拍完一齊食,真係好齊心。」

胡定欣同滕麗名真係少有同場宣傳 佢哋各自要有現身宣傳活動
滕麗名今日回應就話佢哋不和只係宣傳嚟!

鍾意就快D Share啦!