擁有驕人上圍的無綫咪神張秀文一直是大批宅男的夢中女神，她亦從不吝嗇身材，經常在鏡頭前以泳裝示人，34D上圍配纖腰，索爆身材絕對冇得輸！近日網上流出秀文在酒店浴室拍下的性感照片，她身穿粉紅色為主色的三點式泳衣，效果香艷，令人想入非非！
玩花灑濕身
相中秀文在浴缸旁嬉水，放下浴鹽令水變成粉紅色，見秀文表情豐富，時而甜笑時而若有所思，不過相信大眾注意力都只集中在她放上缸邊的驕人雙峰。另一輯相，秀文在企缸位置玩花灑，並向自己射水，相片角度既有高炒又有低炒，惟她一直雙眼放空，甚有偷窺Feel，此外又有她對鏡塗唇膏的照片，整體感覺猶如兩小口子出埠旅行，女方不經意被拍下照片般！另外尚有其他照片流出，秀文穿黑Bra晒胸，擺出憂鬱表情，與平日的陽光形象截然不同。另一輯相，秀文在戶外身穿透視裝透出內裏泳衣Top，感覺較為開朗。
唔介意全裸
《東網》向秀文求證，她透露照片是其緋聞男友兼前經理人Victor（仇耀斌）操刀，原因是對方知她希望推出個人寫真集，故最近兩人合作拍攝，計劃明年推出寫真，現正在儲相階段，望照片風格較生活化，她說：「啲相真係好私密㗎！好少人見到我呢一面，想要憂鬱感覺，希望大家唔只覺得我係陽光女仔，呢輯相係一班朋友去新加坡玩嗰陣影，專登請埋Victor去影。（點解喺酒店？）其實室外室內都想試吓啫！你見啲水粉紅色好夢幻咁！其實係我擺烏龍，以為係泡泡浴，點知係浴鹽。（點解想出寫真？）依家叫Keep得Fit，女仔黃金時期唔長，想影多啲相留念，遲啲去日本，都會叫埋佢去影。（順便增進感情？）我哋向來感情都好，跟咗佢四年，係亦師亦友，由我唔識做MC到依家成日接騷，都係佢教我，大家可以夾到係一種緣分。我自己請唔起攝影師，佢又咁鍾意影，最好不過！加上如果係唔相熟嘅攝影師，我會覺得尷尬，所以搵番佢影。（本寫真仲有咩絕招？）我唔介意三點不露全裸，係美感就得，例如搵頭髮遮胸，但依家頭髮未留咁長！哈哈！」
Victor學打燈影靚相
據知，因秀文是無綫旗下藝人，故寫真版權屬無綫所有，她並非打算利用寫真搵錢，善心爆棚的她計劃將收益捐往慈善機構。
原本已是攝影發燒友的Victor為將秀文拍得更索，計劃修讀室內攝影課程，提升打燈技巧，講到不避嫌親自為緋聞女友操刀，奪得對方的「第一次」拍寫真機會，他說：「我同秀文合作咗四年，已經好熟，佢對我好有信心，如果搵另一個攝影師，佢仲尷尬。」
|
鍾意就快D Share啦！
|
|
|
