2016年7月19日 星期二

盲亨疑食霸王餐》獨家有片 食過千蚊飯撒溪錢 勝和仔深水埗吹雞圍 __,勝和,

盲亨疑食霸王餐》獨家有片食過千蚊飯撒溪錢勝和仔深水埗吹雞圍17,916views│2016年07月19日綽號「車神」嘅水房猛人盲亨,向來都係江湖惹火人物,事非多多。前幾晚,盲亨又遇到麻煩事,佢疑似食完飯唔俾錢,搞到俾一班勝和古惑仔圍,《壹》仔就獲得一段獨家盲亨被圍短片。消息人士話,盲亨好鍾意去深水埗桂林街一間小菜館食飯,而且恃住自己有江湖地位,一向食完都唔會找數。上星期,盲亨又拉隊去該小菜館開餐。 ...




  • 其他影片:>>






  • 盲亨疑食霸王餐》獨家有片 食過千蚊飯撒溪錢 勝和仔深水埗吹雞圍
  • 17,916 views│2016年07月19日
  • 綽號「車神」嘅水房猛人盲亨,向來都係江湖惹火人物,事非多多。前幾晚,盲亨又遇到麻煩事,佢疑似食完飯唔俾錢,搞到俾一班勝和古惑仔圍,《壹》仔就獲得一段獨家盲亨被圍短片。

    消息人士話,盲亨好鍾意去深水埗桂林街一間小菜館食飯,而且恃住自己有江湖地位,一向食完都唔會找數。

    上星期,盲亨又拉隊去該小菜館開餐。不過,間舖頭近日轉咗老闆,而老闆一名朋友,係和勝和叫阿榮嘅大老輩人物。據悉,阿榮早前已經搵盲亨「傾偈」,表明小菜館生意難做,希望盲亨高抬貴手,以後嚟食嘢都找番數。不過,有人就當耳邊風。

    上星期五下晝,盲亨又帶咗一大班朋友去食飯,據悉張單總數過千蚊。盲亨亦照舊拍拍屁股走人,冇諗住埋單,而且仲叫門生喺小菜館撒溪錢添。

    勝和大佬阿榮知悉事件,即時扯火。而當晚盲亨同朋友去左桂林街一間糖水舖食糖水,勝和大佬阿榮知道後,即時「吹雞」,唔使十分鐘,十幾個勝和古惑仔,殺氣騰騰湧到糖水舖門口,大大聲咁話:「盲亨食嘢唔俾錢呀」、「盲亨,食咗人千幾蚊,找埋數先好走呀。」

    《壹》仔去過糖水舖查問,但職員顯得十分避忌,唔想談論事件,又叫《壹》仔向夜班職員查問。

    消息人士同《壹》仔講,盲亨最終都冇找數。有人預計,呢次食霸王餐事件,隨時引致兩個黑幫大火拼。
    綽號「車神」嘅水房猛人盲亨,向來都係江湖惹火人物,事非多多。

    鍾意就快D Share啦!
    Related Posts Plugin for WordPress, Blogger...