2016年7月7日 星期四

歐國盃:歐國盃 C朗KO巴利 葡萄牙「開齋」入決賽 __,C朗,基斯坦奴朗拿度,

真‧C朗現身發神威!喺今屆歐國盃一直表現唔達標嘅葡萄牙球星C朗拿度,今晨喺準決賽終於踢番出佢一貫嘅高水平,全場交出一入球同一助攻,技術擊倒對手皇牌球員加里夫巴利,帶領葡萄牙以2比0淨勝威爾斯,繼2004年後,再次殺入決賽!連同今場入波,C朗今屆已經入咗3粒,仲有機會爭做神射手,而佢喺歐國盃決賽周更累積射入9球,追平埋法國傳奇柏天尼紀錄,威水到震呀!葡萄牙今仗有後防主力比比缺陣,令人擔心佢哋防守力, ...


真‧C朗現身發神威!喺今屆歐國盃一直表現唔達標嘅葡萄牙球星C朗拿度,今晨喺準決賽終於踢番出佢一貫嘅高水平,全場交出一入球同一助攻,技術擊倒對手皇牌球員加里夫巴利,帶領葡萄牙以2比0淨勝威爾斯,繼2004年後,再次殺入決賽!連同今場入波,C朗今屆已經入咗3粒,仲有機會爭做神射手,而佢喺歐國盃決賽周更累積射入9球,追平埋法國傳奇柏天尼紀錄,威水到震呀!

葡萄牙今仗有後防主力比比缺陣,令人擔心佢哋防守力,果然今仗上半場係以威爾斯嘅形勢略為佔優,單係「大聖爺」加里夫巴利早段就先後兩次喺禁區附近起腳,一次接應角球射高,一次則係禁區邊起腳,僅被葡萄牙門將魯爾柏迪斯奧沒收。葡軍企穩陣腳後,都攞番多少攻勢,可惜係艾迪恩施華同連拿度辛捷士嘅冷箭都未能命中目標,而首席球星C朗臨完場前有次近門頂高,半場雙方打和0比0。

換邊後冇耐,C朗突然嚟料,3分鐘內就炮製兩個入波。佢先喺50分鐘接應左路底線傳中,喺遠柱泰山壓頂頂入,助葡萄牙領先。3分鐘後,C朗禁區邊起腳地波勁射,伏兵門前嘅拿尼突然加一腳改變方向入網,葡萄牙拋甩到2比0。

葡軍之後仲有增添紀錄機會,可惜係拿尼勁射逼令威爾斯門將軒尼斯甩手,但後上嘅祖奧馬里奧補射竟然斜出。至於威爾斯之後換入禾基斯增強鋒力,無奈係禾基斯嘅頭槌同「大聖爺」嘅35碼遠射,都唔能夠逃過葡軍門將魯爾柏迪斯奧十指關,最後葡萄牙保住2球勝局,喺今屆賽事首次喺法定時間贏波,勇闖決賽。

任達華 Vs 沈振盈

今個夏日大爆足球金句!!仲有獎抽呀!

足球狂熱,席捲2016夏日。明星隊、財經名人隊喺「星級擂台」大鬥金句,每個賽日都咁好睇,今日明星隊派出任達華、財經名人隊由沈振盈壓陣,實有精彩嘢。睇完金句,記得玩埋抽獎,豐富獎品等住你,快啲去彩報網頁 http://win.on.cc 參加喇!

獎品包括最新9.7吋平板電腦、Samsung Galaxy S7及Gear VR、雙人來回倫敦機票連住宿及波飛,好吸引呀!

推廣生意的競賽牌照號碼:047186


來源 source: http://hk.on.cc
鍾意就快D Share啦!
Related Posts Plugin for WordPress, Blogger...