2016年7月7日 星期四

歐陽巧瑩有兩個老公 林師傑聽天由命 [壹週刊 - 1374] 林師傑,歐陽巧瑩,M1,

歐陽巧瑩繑實男友行,非常恩愛。娛樂偵訊歐陽巧瑩有兩個老公 林師傑聽天由命在《愛•回家》扮乖仔「木偶哥」、曾被前度鄧穎芝寸「溝女多過食飯」的林師傑,自從與「無綫咪神」歐陽巧瑩(Tammy)拍拖後開始修心養性,「食家」變「住家男」,因而被傳已經秘婚。無風唔起浪!二人去年的確有結婚計劃,後因高人指點,直言早婚必定離婚收場;既然命中注定,同居!大條道理。人狗遊西貢一物治一物!「食家」林師傑遇上歐陽巧瑩,兩 ...


歐陽巧瑩繑實男友行,非常恩愛。

娛樂偵訊

歐陽巧瑩有兩個老公 林師傑聽天由命

在《愛•回家》扮乖仔「木偶哥」、曾被前度鄧穎芝寸「溝女多過食飯」的林師傑,自從與「無綫咪神」歐陽巧瑩( Tammy)拍拖後開始修心養性,「食家」變「住家男」,因而被傳已經秘婚。

無風唔起浪!二人去年的確有結婚計劃,後因高人指點,直言早婚必定離婚收場;既然命中注定,同居!大條道理。

人狗遊西貢

一物治一物!「食家」林師傑遇上歐陽巧瑩,兩年來甜蜜蜜,唔使開工,一定黐實出動。

早個禮拜,二人短 tee短褲 cap帽,一身街坊 look拖手現身西貢,拖埋芝娃娃狗狗一齊散步半粒鐘,再隨意搵間露天 cafa食 tea醫肚。

等食期間,兩個篤吓電話傾吓偈,林師傑更不時整古做怪,搞到女友笑唔停。食飽再四圍行多陣,其間歐陽巧瑩突然當街麻甩𢱑胸, free到呢。

當街當巷挖胸,歐陽巧瑩勁麻甩。

行到出晒汗,林師傑開晒篷吹吹風。

兩人一狗行咗半粒鐘後到附近 cafe坐低, hea住食 tea談心。

命中注定

34C歐陽巧瑩有本事令林師傑變得定性,更被視為結婚對象。

據了解,剛滿廿八歲的林師傑去年曾向女友提出結婚計劃,其時,曾經學習玄學的歐陽巧瑩,專登捉埋男友去搵高人問意見,結果是,二人命格不宜早婚。

「師父話 Tammy早婚嘅話,一定會有兩個老公,而 Auston(林師傑)早婚亦會離婚收場。佢兩個咁後生, Tammy先廿三歲,又唔係急住想要小朋友,所以最後決定一齊住吓,先半同居,睇吓大家一齊生活係咪都夾到先囉!」二人身邊朋友說。

擁有 34C上圍的歐陽巧瑩,經常孖住林師傑到沙灘享受日光浴。

去又一城行街,林師傑掛住傾電話,搞到女友嘴扁扁詐晒嬌。

歐陽巧瑩揀泳衣,林師傑企喺鋪頭門口等。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...