2016年7月7日 星期四

吳若希闊少男友 晒支票求婚:不用怕,我養你! [壹週刊 - 1374] __,吳若希,M1,

今年三月,吳若希被本刊影到佢帶Alex搵相士夾八字,當時已經鎖定呢位有米男友為對象。探熱針吳若希闊少男友 晒支票求婚:不用怕,我養你!今年三月,吳若希(Jinny)曾被本刊影到帶闊少男友AlexHo(何兆鴻),一齊見相士陳定幫夾時辰八字,近日再被讀者踢爆二人蜜遊泰國,Jinny更開到口問男友幾時求婚,其實,Alex於今年一月已對她開了長期飯票,養她一世。只要Jinny肯嫁,Alex即娶。隨時嫁得吳 ...


今年三月,吳若希被本刊影到佢帶 Alex搵相士夾八字,當時已經鎖定呢位有米男友為對象。

探熱針

吳若希闊少男友 晒支票求婚:不用怕,我養你!

今年三月,吳若希( Jinny)曾被本刊影到帶闊少男友 Alex Ho(何兆鴻),一齊見相士陳定幫夾時辰八字,近日再被讀者踢爆二人蜜遊泰國, Jinny更開到口問男友幾時求婚,其實, Alex於今年一月已對她開了長期飯票,養她一世。只要 Jinny肯嫁, Alex即娶。

隨時嫁得

吳若希孖澳門闊少男友 Alex蜜遊泰國,被圖文並茂直擊後,好鍾意 IG還拖的 Jinny,自己發同男友 selfie相,仲肉麻地話:「點只拖手,仲勁嘔(噁)心地著情侶裝。何生,你幾時同我求婚?」

開到口想嫁,因為闊少男友早已對她開出長期飯票,冇有怕!

「 Alex好冧 Jinny,舊年開始追,追到今年初終於拍拖, Alex曾經喺 IG公開愛的宣言,叫 Jinny唔使怕,會養佢一世,隨時可以同佢結婚。三月佢哋去夾八字,咪就睇吓啱唔啱結婚囉!」知情者說。



吳若希肯公開認愛晒情侶 look,全因年初 Alex已喺 ig晒百萬銀碼支票求婚。唔怪得佢咁坐定粒六,開到聲問男友幾時娶佢

吳若希在私人 fb只係問一句可唔可以去呢度潛水,男友 Alex即應機:「行得!」爽到冇朋友!

飛台北陪女友

雖然分隔兩地又各有各忙,卻無阻二人發展。

「澳門同香港咁近, Alex有時想即刻見,搭直升機半個鐘唔使就見到。之前 Jinny同許廷鏗去台灣拍特輯, Alex都有飛去台北陪女友,雖然只係留咗兩日,但都真係冧㗎。」

被踢爆拍拖, Jinny順勢公開戀情,卻殺出「抽水正印」 Toby Sin,無端端令她又做小三。「 Toby喺澳門 fmm100.7做 DJ,又係 model,好鍾意黐住 Alex同其他有錢人玩,今次擺明係趁機自製新聞搏上位啦。」知情者說。

早排 Alex澳門眼鏡鋪開張,索性搵女友吳若希做剪綵嘉賓。

闊少 Show off

Alex晒名錶!仲有……側邊疊金牛都係重點。

黑卡喎,梗係要晒

闊少的煩惱,係今日揸邊架辣跑好呢?無論係左邊 Audi R8抑或右邊架 Aston Martin Vantage,各三球!

當日兩個見完相士陳定幫指點後,吳若希個心定晒!因為陳定幫話 Alex同佢好夾喎!

抽水扮正印

Toby Sin

正當吳若希大方認愛,同男友公開 sweet sweet之際,突然殺出話有讀者報料,指闊少 Alex有「正印」,係澳門電台主持 Toby。吳若希即變小三,不甘被抽水的 Alex即刻劃清界線,漏夜在 IG發聲明,力證同 Toby冇任何感情瓜葛,仲話再有呢啲傳聞就循法律追究。

據悉,抽水 Toby好鍾意黐有錢人,曾跟一名澳門人夫 Joseph頻密交往做小三!

男友出面護駕,吳若希亦有反應,凌晨兩點轉載男友聲明外,加多句:「如果被我發現你有咩呃我,你死梗!」繼續打情罵俏。

至於抽水 Toby,一見闊少 Alex發聲明掃蕩,即把公開的 IG封鎖,抽水變笠水!

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...