2016年9月13日 星期二

【多圖】同林建名正式上契 何傲兒跪地斟茶收金飯碗 __,林建名,傲兒,何傲兒,

上月底先搞完80大壽嘅林建名,噚晚又同愛將何傲兒喺西環一間酒樓辦喜事,現場精心布置,筵開六席請晒親友出席。圈中到賀有黃婉曼同老公Greg、新婚嘅王賢誌、何超雲舊愛王大業、陳爽同區瑞強等。8時多入席,當賓客坐定定,司儀就出嚟宣佈,原來林建名正式同何傲兒上契,傳統儀式做到足,何傲兒仲跪地斟茶,契父女仲交換禮物,契女何傲兒送上玉馬擺設,佢話駿馬正好比喻契爺,而契爺林建名就回贈一套金飯碗,佢遞上仲叮囑契女 ...


上月底先搞完80大壽嘅林建名,噚晚又同愛將何傲兒喺西環一間酒樓辦喜事,現場精心布置,筵開六席請晒親友出席。圈中到賀有黃婉曼同老公Greg、新婚嘅王賢誌、何超雲舊愛王大業、陳爽同區瑞強等。8時多入席,當賓客坐定定,司儀就出嚟宣佈,原來林建名正式同何傲兒上契,傳統儀式做到足,何傲兒仲跪地斟茶,契父女仲交換禮物,契女何傲兒送上玉馬擺設,佢話駿馬正好比喻契爺,而契爺林建名就回贈一套金飯碗,佢遞上仲叮囑契女:「生生性性,將來有金飯碗一定會好。」何傲兒笑住遵命,佢跟住講感受:「多謝大家今日嚟share我開心事,今日能夠有上契呢樣嘢,真係一個緣份。」何傲兒仍叫住林建名做「老闆」,林建名忍唔住提佢要改口叫「契爺」,何傲兒馬上識做改口。爺孫戀促成正式上契,何傲兒清晰同林建名關係後,佢仲話自己會積極物色另一半,不過即使將來有異性,仍會孝敬契爺:「我以後對待你好似對我爸爸一樣,我有一個願望,如果我將來有一個穩定嘅男朋友,可以帶佢行街,同埋可以同佢一齊去睇你搞嘅演唱會,好唔好呀?」契爺聽完笑住猛話「好好好好」,何傲兒仲左擁右抱住親生爹哋同契爺合照。噚晚其實雙喜臨門,同時為本月27日就28歲生日嘅何傲兒提前慶生唔講唔知原來林建名林建名孻仔林孝信(Howard)同何傲兒係同年同月同日生日,所以壽星女同壽星仔孖住切蛋糕。何傲兒着咗黑色透視裝,打扮高貴,問到佢生日願望,佢話:「開開心心,希望身邊人都健康就好,我事業又有好發展。」


鍾意就快D Share啦!
Related Posts Plugin for WordPress, Blogger...