2017年2月18日 星期六

娛刺撈飯:「割劉」一身輕!呂麗君風騷自在會福伯  __,呂麗君,

A餐定B餐?唔使問點揀啦吓話!《百萬富翁》一百萬題目:A.拎住400億,日日要做人肉拐杖照顧老公,24小時oncall;B.揸住20億,周遊列國歎世界,生活優遊,最難得可以做自己想做嘅嘢。A同B,你會點揀先?我Nuts哥揀100次都係B。舊年畀大劉飛起,仲話分咗廿億畀佢嘅呂麗君,你以為佢日日喊濕枕頭唉聲嘆氣呀?錯晒喇你,佢生活都不知幾多姿多采,一直搞開環保嘅佢,近日同Walmart集團繼承人、擁有 ...


A餐定B餐?唔使問點揀啦吓話!

《百萬富翁》一百萬題目:A.拎住400億,日日要做人肉拐杖照顧老公,24小時on call;B.揸住20億,周遊列國歎世界,生活優遊,最難得可以做自己想做嘅嘢。A同B,你會點揀先?我Nuts哥揀100次都係B。

舊年畀大劉飛起,仲話分咗廿億畀佢嘅呂麗君,你以為佢日日喊濕枕頭唉聲嘆氣呀?錯晒喇你,佢生活都不知幾多姿多采,一直搞開環保嘅佢,近日同Walmart集團繼承人、擁有340億美金身家嘅Rob Walton合作搞咗個推動地球環保嘅基金,仲啱啱喺加州搞咗個晚會,連喬布斯遺孀Laurene Powell Jobs都有撐場,呂麗君滿場飛,仲埋身搵荷里活巨星「福伯」夏里遜福集埋郵,甩拖之後即時升呢做國際名人,難怪呂麗君極速upload啲相上網風騷示威啦。

20億同400億一樣使唔晒

以前大劉成日唱呂麗君經常藉出外公幹之名玩失蹤,究竟做過啲乜都冇人知,依家佢就話你聽,佢係堅有做嘢,仲要大大鑊!放心,全部見得光。係呀,呂麗君雖然身家冇甘比咁多,但依家就好似被放生嘅雀仔一樣,想去邊就去邊,都唔知幾爽。

其實做人最緊要知足,呢個世界係相對嘅,得到大劉寵幸嘅甘比,分到400億表面風光,成幢The One都係自己添!但生活係點呢?日日打理繁重嘅生意,已經周身唔得閒,加上依家大劉健康問題,近日仲話要用1,500萬包起兩個大國手,仲要日日陪住着睡衣嘅大劉去醫院睇醫生。其實身家嘅嘢,20億同400億,對一個女人嚟講,正常都係一世都使唔晒。好似女人個胃一樣,有400億嘅甘比之前同賭王細女何超欣一齊去high tea,叫到成枱嘢食,咪又係食唔晒,只係數字遊戲嚟㗎啫。

甘比「上劉」唔逍遙

呂麗君「割劉」一身輕,Free到可以做番自己、暢遊外面嘅花花世界;相比之下甘比雖然「上咗劉」,但就冇咁逍遙自在,每日嘅行程就係陪大劉出出入入,心嗰句:「唔悶就假喇!」所以呢,係識揀嘅都會同陳啟泰講:「唔使用錦囊喇,最後答案,都係B。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...