掃呢頁CODE去手機

2017年2月18日 星期六

逼爆!古仔老銅出巡被數百粉絲圍 __,古仔,古天樂,

古仔現身銅鑼灣街頭,梗係好墟冚啦。正在深圳趕拍新戲的古天樂(古仔)特意趕返香港,現身銅鑼灣街頭為慈善活動站台。早於古仔到場前,現場已聚集數百粉絲,當古仔到場落車時,群眾一擁而上,保安在旁保護古仔仍寸步難行,更出現人推人情況,幸而最終沒有發生意外。淡定冇有怕見慣大場面的古仔受訪時氣定神閒,問到有否試過私下到銅鑼灣逛街,他笑謂:「我好耐冇行過街嘞。今日嚟到見到位102歲嘅婆婆,我哋呢啲年輕力壯嘅梗係要 ...


古仔現身銅鑼灣街頭,梗係好墟冚啦。

正在深圳趕拍新戲的古天樂(古仔)特意趕返香港,現身銅鑼灣街頭為慈善活動站台。早於古仔到場前,現場已聚集數百粉絲,當古仔到場落車時,群眾一擁而上,保安在旁保護古仔仍寸步難行,更出現人推人情況,幸而最終沒有發生意外。

淡定冇有怕

見慣大場面的古仔受訪時氣定神閒,問到有否試過私下到銅鑼灣逛街,他笑謂:「我好耐冇行過街嘞。今日嚟到見到位102歲嘅婆婆,我哋呢啲年輕力壯嘅梗係要幫吓人啦。我個慈善基金會派咗十幾個義工嚟幫手,平時我哋每星期都有義工活動嘅。(你有現身?)有時間會到,但唔會事先通知。(有難忘經歷?)每個人背後都有佢哋嘅故事,每個家庭都有自己嘅問題,幫得到就幫,同佢哋食吓嘢、派吓禮物、關心吓佢哋,佢哋就覺得溫暖。(表演唱歌?)唔會嘞。」

談到近日在深圳拍攝的新戲,古仔說:「我之後要趕住返去,(拍攝)順利嘅。(攞你啲私人珍藏Figure入鏡?)嗰啲有版權㗎。」


來源 source: http://hk.on.cc
鍾意就快D Share啦!