King Sir（左）下月28日80歲生日，王祖藍得悉後請纓做司儀！（資料圖片）
戲劇大師鍾景輝（King Sir）於下月28號迎來80歲生日，桃李滿門的King Sir獲一眾學生為他於下月23號舉行80大壽宴會，並筵開68圍。當中擔任召集人的劉錫賢透露屆時座上客眾多，包括林嶺東、萬梓良、何守信、杜琪峯、汪明荃夫婦、薛家燕、米雪、李司棋等等。他亦正聯絡及邀請周潤發、吳孟達及鄭少秋等出席宴會。劉錫賢說：「林嶺東目前喺馬來西亞拍緊戲，佢話會睇時間，拍攝有break就立即飛返嚟！萬梓良亦會一家三口飛返嚟同King Sir拜壽。」
祖藍遙距搵嘉賓
劉錫賢又透露邀請王祖藍出席時，獲對方「舉手」表示想擔任司儀。他說：「我哋打畀祖藍時，佢自動話要做司儀，仲搵埋同樣演藝出身的梁嘉琪做司儀。」他稱身處美國與太太李亞男度假的祖藍亦相當有心，更主動幫手搵嘉賓：「祖藍喺美國都成日打長途電話同我哋溝通，佢仲喺美國幫手搵人出席宴會。（搵咩人？）King Sir嘅朋友。」
King Sir身體Ok
劉錫賢又接着透露宴會詳情：「有位King Sir嘅學生義不容辭咁話要包起酒席費用，但我哋籌委會覺得唔好意思，所以決定當晚除咗嘉賓，出席嘅人收800蚊港幣，捐落King Sir爸爸嘅獎學金，完成佢想培育下一代嘅心願。」他指King Sir目前身體狀況ok，精神不俗：「佢對好多嘢都好上心，我哋叫佢唔好咁上心，同學們一路都有探望佢，佢身體ok，有精神。」
來源 source: http://hk.on.cc
|
鍾意就快D Share啦！
|
|
|
