林夏薇首次挑戰整Pizza。
早前憑無綫劇《乘勝狙擊》而人氣急升的索爆「人妻」林夏薇，近日首次挑戰整Pizza，她一早到街市買食材包括雞蛋、番茄、青椒、芝士及煙肉等，回家後即洗洗切切，她說：「我連餅皮都係自己整，過程都幾順利，仲好好玩㖭！睇住佢喺焗爐度慢慢傳出啲Pizza香味，覺得已經成功咗一半，之後畀屋企人試味，佢哋都讚我話唔錯！」開心了一整晚的薇薇， 分享下廚過程開心Share，她希望日後多作其他嘗試，再在網上分享煮食心得。
向來為食的薇薇，婚後用私己錢染指飲食界，先後在港、九、新界開設火鍋及點心小廚，她坦言在家鑽研菜式時亦主打中菜：「唔想成日出街食，所以我好多時都會下廚。講真，唔可以來來去去都係嗰幾款，食得多都會厭，咪睇多啲教人煮嘢食嘅節目，從中都學到吓嘢，一次睇唔識咪錄低邊睇邊跟住做囉！So far屋企人反應唔錯。」
來源 source: http://hk.on.cc
|
鍾意就快D Share啦！
|
|
|
