2017年3月22日 星期三

【獨家有片】拖手兼攬腰 大話精陳展鵬同單文柔買傢俬同居 __,陳展鵬,展鵬,單文柔,陳展,

同新歡山頂偷食斷正,陳展鵬還解畫說單文柔是他的stylist,當日是為他準備之後登台的服裝,為答謝對方才一起吃飯,向住傳媒擘大眼講大話,以為可以瞞天過 ...


同新歡山頂偷食斷正, 陳展鵬還解畫說單文柔是他的stylist, 當日是為他準備之後登台的服裝,為答謝對方才一起吃飯, 向住傳媒擘大眼講大話,以為可以瞞天過海, 呃到全港市民同呃埋胡定欣。

上週三(15/3)晚上9時,即山頂車廂偷食斷正前, 陳展鵬瞞住胡定欣,與單文柔在九龍灣MegaBox買傢俬, 絕對不是他自己所說的,對方幫佢搵衫, 當晚陳展鵬明顯怕俾人認出,戴晒帽同口罩十足偷情裝備, 至於單文柔因為外形毫不起眼, 所以在場無乜人留意到陳展鵬與新歡拍拖, 二人在宜家一直黐到實睇嘢,相當甜蜜!

兩人先去揀窗簾,陳展鵬推住手推車,將揀好的窗簾及層板放好, 兩人就企埋一邊,不停研究尺寸,女方不時一副冧樣望住男友, 還突然拖住陳展鵬手臂發姣放電。

之後二人又轉去另一邊睇熨衫板,見到啲小型相架, 單文柔又攞起幾件,行到暗角位,原本高度戒備的陳展鵬, 始終抵受唔住單文柔姣功,當女方主動挨向他時, 陳展鵬就伸手從後攬實女方條腰,親密關係即時現形。

買齊東西後,兩人行去收銀處,陳展鵬付款後,他們將戰利品紮好, 見陳展鵬努力將物件綁起,單文柔亦幫手攞嘢,絕對唔扮公主唔郁, 難得深得男友寵愛,之後二人就去搭𨋢落停車場攞車,等𨋢 期間手揸住窗簾棍的單文柔,冧到不時露出勝利笑容望實男友。

據了解,上年十月擔任港姐星級評判的陳展鵬,初次邂逅單文柔,當時已經 𥄫中對方,跟住在公開活動重遇,便火速抄牌, 到目前為止秘密拍拖接近兩個月,他們更已經發展到同居關係。

「因為煎pang同父母一齊住,唔方便帶女返屋企, 咁Phoebe(單文柔)又係同屋企人住, 所以煎pang特登租咗地方俾佢住, 等煎pang可以方便上去過二人世界,同埋煎pang咁小心, 唔會成日同女仔去街,有自己私竇方便好多。」陳展鵬身邊人說。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...