謝安琪讚鐵漢柔情：個樣冧冧豬
蘇永康（阿公）夫婦與謝安琪（Kay）夫婦向來私交甚篤，剛巧Kay與蘇太Anita差不多時間有喜，兩對夫婦不時相約食飯大談湊仔經。對於「公仔」前晚搶先出世，臨盆在即的Kay透過電話回應時亦表現得極開心，不時傳來笑聲，她表示前日在「公仔」出世前，曾與阿公通過話，當時阿公仍然好有型、好瀟灑：「到BB出咗世，佢send咗同BB及太太嘅合照畀我，好溫馨囉，我真係感受到從來未見過嘅一個蘇永康，個樣好冧冧豬呀，好難形容嗰種溫柔，好戥佢開心呀！」又指一路以來阿公亦有與她分享將為人父的感受，所以自己看到「公仔」出世亦非常感動，笑謂可能大肚婆容易被感動。
此外，張繼聰在社交網上載一張晒麒麟臂的照片，並留言：「老婆以前成日話我對手臂好幼細……依家總算得到一句：『可以』！」網民都激讚他「好粗」，手臂唔粗點幫手湊女呢？
來源 source: http://orientaldaily.on.cc
|
鍾意就快D Share啦！
|
|
|
