林雪表示每次出席頒獎禮都諗「可唔可以畀一次我…」
在「第十一屆亞洲電影大獎」頒獎禮上奪得「最佳男配角」的林雪，在後台接受訪問時比起平日顯得有氣冇力：「次次都諗可唔可以畀一次我，但係到頭來都係人地拎，每一次都有準備致謝辭，但係就成日都唔記得，好彩仲記得點樣多謝杜琪峯。」
食十幾種藥
問為何會有氣冇力，林雪就坦言前日與黃子華拍攝新片《棟篤特工》時在現場突然暈倒：「本來拍嗰時都好哋哋，突然覺得天旋地轉，之後就暈咗，嚇到台前幕後好驚，黃子華第一時間打電話問醫生到底發生咩事，工作人員就帶咗我去醫院檢查，初步就話我係耳水不平衡，血壓又好高，心又有少少事，但好彩今次唔關個心事。」又指自己想瞓場好覺當慶功。
問會否為健康減產，他直言不會：「依家148kg（約326磅），醫生叫我減肥減足五年，但都有增冇減。」被工作人員好鍾意食嘢的他就指自己打算減20至30磅：「依家要食十幾種藥，嚇親工作人員真係唔好意思。」又指自己檢查後就出院，沒有留院。
來源 source: http://hk.on.cc
|
鍾意就快D Share啦！
|
|
|
