2017年4月6日 星期四

【最新】何雁詩與鄭俊弘十指緊扣公告戀情:冇信心都唔出嚟講 __,鄭俊弘,何雁詩,

鄭俊弘(Fred)日前被爆背前未婚妻Beebs暗撻何雁詩,連日來不斷有新料爆出,有指Fred曾認對何雁詩有感覺,而Fred昨又稱自己向Beeds求婚被 ...


鄭俊弘(Fred)日前被爆背前未婚妻Beebs暗撻何雁詩,連日來不斷有新料爆出,有指Fred曾認對何雁詩有感覺,而Fred昨又稱自己向Beeds求婚被拒。(新聞連結: http://bit.ly/2oG7U63 )今日何雁詩現身機場,據知佢今晚將會飛杭州工作,登機前何雁詩接受傳媒訪問,解釋與鄭俊弘之關係。下午近六時半,何雁詩與鄭俊弘十指緊扣現身受訪,公開戀情。(fb足本link: http://bit.ly/2ocUKNm )何雁詩同鄭俊弘十指緊扣咁到達機場,待記者準備好後,鄭俊弘首先開腔:「我知道近日發生咗好多事情,令到大家、屋企人都好擔心,所以我要出嚟澄清一啲嘢。」之後鄭俊弘深呼吸一口氣再說:「我同阿Step(何雁詩)一路以嚟都係好好朋友嘅關係,我哋無論音樂、人生上嘅觀點,我哋好相似,我同佢以往都經歷過一啲感情上唔開心嘅事,我哋都好支持大家,一齊扶持,我哋o依家更加多啲工作機會所以係好close,但係我一向對於感情都係好低調,所以之前嗰段感情係冇人知,但呢段感情都已經終結咗喇,原因係我尊重同保護對方,我就唔會再多講。」問兩人是否公開承認拍拖時?鄭俊弘續道:「至於阿Step,我承認係我處理得唔好,我好多謝阿Step,呢輪對我嘅支持,對我嘅愛護,同埋信任,我同阿Step呢段感情係啱啱開始,我哋想珍惜同保護呢段感情,選擇咗唔公開,希望大家體諒,但係因為噚晚一個報道,我一定要企出嚟同大家澄清,一定要保護Stephanie,一定要承擔呢件事!」記者不斷追問二人拍咗拖幾耐,身旁嘅何雁詩搶答:「時間就唔講喇!o依家唔講...」鄭俊弘接住話:「大家祝福我哋,俾啲空間我哋,希望有一段美麗嘅關係。」記者再問到佢哋係咪同居,何雁詩好肯定咁答:「唔係!」至於有報道指鄭俊弘係世紀賤男,鄭俊弘坦言:「呢啲唔回應,我所講嘅嘢就係證明。」另記者問到佢哋一齊睇村屋一事,何雁詩就好嚮亮咁講:「係有一齊睇嘅,但係未諗到咁遠住,希望大家係呢段時間入面,俾啲支持我哋,特別係俾多啲阿Fred啦,佢都好辛苦,好大壓力,希望我唔係香港時,大家睇住佢」語畢即刻甜笑。何雁詩承認有誤導大家,「但都係想保護我哋,但依家我哋出來都係一個勇敢嘅表現。」邊個做主動,有冇信心?何雁詩話:「冇信心都唔會行出嚟。」問鄭俊弘會唔會因為口不對心影響事業,他稱:「呢段期間fans對我支持我係睇到,嚟緊一步一步做好自己!」兩個承認拍拖,但就唔肯講幾時開始,強調冇重叠感情,只謂完結咗一段感情先開始另一段感情,又表示:「俾啲空間我哋。」對於二人幾時開始,何雁詩就話:「時間嘅嘢唔講。」她亦有承認早前同鄭俊弘一齊去睇樓,不過就未有諗到咁長遠住。鄭俊弘只係話想保護其他人,所以先想低調處理。咁鄭俊弘覺唔覺得自己處事有疏忽?佢就話:「呢啲嘢唔講。」咁鄭俊弘怕唔怕影響日後發展,fans唔再支持自己?佢就話:「o依家惟有一步一步向前慢慢行。」何雁詩亦表示自己承受好大壓力,不過就同自己嘅病情同埋拍劇冇關係。鄭俊弘又話:「未來嘅嘢未來先算。」被問到二人對呢段感情有冇信心時,兩人尷尬互望,何雁詩話:「冇信心都唔出嚟講。」鄭俊弘隻身離開機場,未有回應傳媒提問,一直只係低頭,微笑,未有再回應,即使係大台記者訪問佢都冇回應,只係拍一拍該記者膊頭。


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...