熱爆娛樂: 【繼續風流】66歲徐少強果然有心有力搭上23歲網紅真識食 _

2017年4月6日星期四

【繼續風流】66歲徐少強果然有心有力搭上23歲網紅真識食 __,徐少強,

今年66歲嘅「大俠」徐少強，雖然當年雪梨唔理家姐米雪嘅反對，先後為佢生咗一仔一女，不過最後喺得唔到名份嘅情況下，分手收場，雪梨得到米雪嘅資助下湊大兩個仔女，徐少強繼續過住風流快活嘅生活。直到04年，徐少強喺大陸又同一個細佢30年嘅大陸女子結婚，之後又係生咗一仔一女！之不過呢個風流大俠又點會收心養性呢！今日有周刊報道話，66歲嘅徐少強依然有心有力，舊年搭上一個身材惹火，自稱只有23歲嘅網紅羅雲琦，今年5月佢哋又再合作拍戲，喺發佈會當日，羅雲琦帶咗一大紥花去咗機場接機，之後喺發佈會仲對住大俠放生電，徐少強表現得好受落，到咗夜晚劇組幫羅雲琦慶祝生日，徐少強好似男主人咁攬住女方一齊切蛋糕。報道仲話有知情人士話羅雲琦第一次見徐少強已經好熱情，表面上佢哋以契兄妹相稱，不過實情關係曖昧，親密程度絕非一般拍檔咁簡單，加上近年好少見到徐少強帶老婆現身，睇嚟佢啲媾女習性冇變，仍然好嫩口。講番呢個羅雲琦，雖然佢聲稱自己只有23歲，但係佢嘅外表相當成熟，經常喺微博晒豪乳相，不過長相有啲膠面，徐大俠果然見慣世面！

徐少強好似男主人咁為羅雲琦一齊切蛋糕。(羅雲琦微博圖片)	羅雲琦喺微博話同徐少強係契兄妹。(羅雲琦微博圖片)	羅雲琦自稱只有23歲。 (羅雲琦微博圖片)
(羅雲琦微博圖片)	(羅雲琦微博圖片)	徐少強喺04年同一個比佢後生30年嘅女子結婚。(資料圖片)
徐少強當年同雪梨分開之後，有一段時間冇同對仔女聯絡。(徐偉棟微博圖片)