2017年4月6日 星期四

【動畫●緋聞名單又多個】同新紮姐仔陳婉婷有咗「餡」? 鄭俊弘搵樂小姐拆彈 __,鄭俊弘,樂易玲,樂小姐,陳婉婷,

鄭俊弘被指背未婚妻beebs偷嗒何雁詩,報道出街後,堅稱自己唔係「第三者」嘅何雁詩,就話自己「清者自清,行得正企得正。」至於男主角鄭俊弘,潛咗一日都未 ...


鄭俊弘被指背未婚妻beebs偷嗒何雁詩,報道出街後,堅稱自己唔係「第三者」嘅何雁詩,就話自己「清者自清,行得正企得正。」至於男主角鄭俊弘,潛咗一日都未蒲返出水面,反而就有人爆料指外表乖仔嘅佢,其實係圈中「食家」,無寶不樂嘅佢,除咗同蔡思貝、王君馨、吳若希傳緋聞,仲同秦沛女姜麗文拍咗6年拖,到鄭俊弘紅咗之後,就飛甩姜麗文。(新聞連結:http://bit.ly/2nWZ4y3 )原來鄭俊弘緋聞女角名單中,仲漏咗一個成員,呢個就係無綫新紥姐仔陳婉婷(Hebe)。噚日有讀者爆料,指13年喺《星夢傳奇》勝出走紅嘅鄭俊弘,搭上陳婉婷,二人打得火熱,一直想公開戀情嘅Hebe,仲以「肚」要求鄭俊弘公開女友身份,但彈起咗嘅鄭俊弘就對Hebe愛理不理,為防有後患,鄭俊弘仲匯報俾無綫高層樂易玲知,幫自己打定個底。讀者話Hebe見鄭俊弘冇反應,有晚扮醉踩上鄭俊弘屋企,打算借醉講數,點知一入門口,就見到樂小姐大大個棟咗喺鄭俊弘屋企個廳度……事後《蘋果》打俾陳婉婷,佢好大反應話:「吓,唔係啩!邊個作故仔,我連佢(鄭俊弘)電話都冇,大家唔熟。」

今年27歲嘅陳婉婷,被讀者爆佢同鄭俊弘秘戀。(陳婉婷Ig圖片) 陳婉婷否認有餡,更指同鄭俊弘唔熟。(陳婉婷Ig圖片)
陳婉婷之前有拍過劇集《親親我好媽》。(陳婉婷Ig圖片) o依家就拍緊《深宮計》。(陳婉婷Ig圖片) 鄭俊弘彈起後,同過唔少女藝人傳緋聞。(資料圖片)
有傳樂小姐幫鄭俊弘解圍。(資料圖片)

來源 source: http://s.nextmedia.com
鍾意就快D Share啦!