2017年6月1日 星期四

【獨家】Bobby吳業坤玩神同步 __,吳業坤,林盛斌,Bob,歐陽震華,Bobby,

好似好正咁!無綫藝員歐陽震華(Bobby)與吳業坤在觀塘泳池外為無綫台慶劇《誇世代》拍攝外景。天氣酷熱氣溫高達32度,現場所見穿起病人服拍攝的Bobb ...


好似好正咁!

無綫藝員歐陽震華(Bobby)與吳業坤在觀塘泳池外為無綫台慶劇《誇世代》拍攝外景。天氣酷熱氣溫高達32度,現場所見穿起病人服拍攝的Bobby熱得不停抺汗及要頻飲水補充水份,以免再因高熱中暑,吳業坤更熱得索性脫去上衣,不惜晒「豬腩肉」赤裸上身散熱。

Bobby教戲

劇情講到Bobby與吳業坤靈魂調換,Bobby照鏡時首次發現鏡中的竟然是吳業坤,大吃一驚。由於要拍攝同步效果,Bobby做完一輪戲後,吳業坤要跟着做,大玩神同步!Bobby亦在旁提點,Bobby說:「我哋各方面都要做到一樣,好似跑步嘅動作、跑速、手勢兩個都要做到一模一樣,今次佢辛苦啲,我做一次佢就要跟住我做。」吳業坤笑說:「我哋連身形都一樣。」Bobby笑說:「我好似弗啲喎。」

吳業坤被問到要模仿Bobby 的動作覺得困難嗎?他笑說:「唔算好難,因為對手係Bobby。」Bobby則戲弄吳業坤笑說:「我就叫你阿哥,你就叫我Bobby ,你都幾有教養喎。」吳業坤則連忙改口說:「Bobby哥好好,唔使拍都企喺我隔籬指點我。」Bobby繼續整蠱吳業坤指他靠「seven」殺出條路,吳業坤則指是走Bobby路線,可以接棒,Bobby笑說:「我都冇話退休。」

笑吳業坤冇操腰

Bobby早前拍劇中暑,問到天氣那麼酷熱開工是否很辛苦?他說:「拍戲化晒妝就一定辛苦,但係諗起其他人拍古裝就唔可以話辛苦,依家身體好好,我都想跟吳業坤健身,不過,佢好似淨係操個胸,條腰就冇操喎。」

大晒「豬腩肉」的吳業坤被問到為甚麼剝衫?他笑說:「因為頭先太熱,唔緊要啦喺泳池旁邊。」問吳業坤是否肥了?他說:「個人脹咗,大隻咗。」Bobby則笑說:「你應該再操大啲個胸,咁睇落條腰就會瘦番啲。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...