熱爆娛樂: 被蔡潔狠飛　 38歲王宗堯溝掂 23歲太陽娛樂新女 [壹週刊

2017年6月1日星期四

被蔡潔狠飛　 38歲王宗堯溝掂 23歲太陽娛樂新女 [壹週刊 - 1421] __,蔡潔,王宗堯,宗堯,M1,

娛樂偵訊

被蔡潔狠飛　 38歲王宗堯溝掂 23歲太陽娛樂新女

去年六月，王宗堯與蔡潔拍拖，男方更於 ig頻頻放閃玩高調，惹來女友公司太陽娛樂不滿，感情半年貨仔，蔡潔便狠飛王宗堯，再見不是朋友。

被飛的王宗堯，甩拖唔夠四個月又有新目標！據知，其新歡又是太陽娛樂旗下，跟他相差十五年，只得二十三歲的 As One成員 Chloe（蘇皓兒）。失蔡潔，王宗堯再溝太陽娛樂女藝人，玩偏食！

共同愛好

今年一月才被蔡潔狠飛，不過食女冇間斷的王宗堯，已火速撻着另一件。「 Greg同 Chloe喺朋友聚會上識嘅，冇人諗過佢會追 Chloe，一來個女仔年紀細，二來都唔係佢口味，佢哋兩個都係貓迷，可能係呢個共同話題，好快就熟咗。 Greg有同 Chloe講過，話太陽娛樂好唔鍾意佢，叫佢千祈唔好同公司人講。」知情者說。

王宗堯與 Chloe見得很密，加上兩人都有分享症，才令情侶關係曝光。

Chloe十足跟得女友，不只落場睇王宗堯踢波，更充當攝影師為男友拍照。

借貓追女

聚會見過後，據悉王宗堯 keep住以短訊與 Chloe聯絡，作為溝女聖手，「愛貓男」一直都是王宗堯追女絕招，成功搞掂模特兒黎曉君（ Christy）、蔡潔，甚至新歡 Chloe。「 Greg最叻借貓追女仔，約女朋友返屋企玩貓，玩玩吓就會行埋一齊， Chloe比較單純，對住 Greg呢個老手，又點會走得甩？ Chloe住九龍區，會走嚟維園同 Greg一齊跑步，又會去睇佢踢波，仲會揸埋相機幫佢影相，好 sweet㗎！」

細心留意王宗堯與 Chloe的個人 ig，不難察覺二人關係。「佢哋鍾意喺 ig度留言，話係情趣。為怕公司太陽娛樂知道同王宗堯嘅關係， Chloe就算同佢一齊食飯，都會 blur咗張相嘅背景，此地無銀，反而令同事對佢起疑心，知道佢同 Greg玩緊地下情。」有知情者說。

蔡潔與王宗堯拍拖半年，男方經常將二人生活照放上網高調放閃，加上王宗堯的政治立場鮮明，太陽娛樂擔心會因而影響蔡潔的發展，多次向蔡潔施壓，並表示對王宗堯的不滿。

As One成員（左） Chloe、 Nata、 Shin、 Kayan，因 Nata提前解約，所以其他成員暫作個人發展。

15年，王宗堯與模特兒女友黎曉君（ Christy）打得火熱，可惜拍拖未夠一年，女方嫌男方太黐身而分手收場。

王宗堯抱住愛貓講 520快樂， Chloe留言指他偏心。

鍾意方力申

二十三歲的 Chloe，太陽娛樂旗下女子組合 As One成員，因 Nata退出，所以各成員暫作獨立發展， Chloe青春靚女，公司安排她到內地拍劇。「公司睇好 Chloe，唱歌唔差，又識彈結他，歌手工作量唔多，公司安排佢拍內地劇， Chloe鍾意打籃球，以前會約埋方力申成班人一齊打波，不過近排就少咗好多，放工即走人，同事問佢去邊，又支吾以對。」知情者說。