63歲原名葉競生嘅八両金喺1995年同老婆八両菜(何顓彤)結婚，同年仲生埋囝囝葉小霆，講到佢人生嘅低潮，就一定係97金融風暴，投資失利陷入財陷入財困，而八両菜99年仲被指因為老公財困而走佬。事隔十年，八両菜喺2011年終於現身接阿仔放學，事後八両金仲接受《蘋果》專訪話當時：「好愕然，冇諗過會再見，我哋有陌生感覺。」八両金當時仲話鼓勵阿仔同媽媽重建母子情，又叫阿仔問媽媽要唔要搬返去一齊住。而八両金雖然同八両菜冰釋前嫌，不過佢就堅拍拒復合，仲話：「性格唔夾就唔夾，O依家做朋友咪仲好。」不過事情峰迴路轉數日後八両菜主動聯絡《蘋果》爆大鑊，仲力數八両金聲淚俱下否認唔肯捱窮離開，更指：「99年5月31日我離開，你哋查吓當時八両金去咗邊，佢返咗內地媾女，我聯絡咗佢大半個月，佢都唔肯返嚟。」八両菜仲話八両金：「我同佢結婚幾年，佢一毫子家用都冇畀，只係3年前我搵番個仔，當時我工作唔如意，佢畀過1,000蚊我買衫。」八両菜仲以「絕對係逃離魔爪」嚟形容離開八両金。
來源 source: http://s.nextmedia.com
|
鍾意就快D Share啦！
|
|
|
