呢場戲講朱晨麗當街畀惡霸調戲。
藝人袁偉豪（Ben）、朱晨麗和許家傑等在柴灣，拍攝無綫新劇《棟仁的時光》的英雄救美場面。戲中飾演惡霸的許家傑便帶同手下公然調戲朱晨麗，不但搶走朱晨麗手上的糖水並倒在其身上，更打算捉走朱晨麗為所欲為，幸好Ben及時出現制止並「出口術」救走朱朱。
追女唔靠外表
雖然Ben在訪問中自稱是「正義底」，但他坦言遇上類似情況會顧及自身安全：「睇情況啦，真實嘅話會有警察叔叔處理嘅！（你咁大隻可以頂住先！）大隻係攞嚟睇，唔係攞嚟頂！睇得唔打得！」提到有網友負評他的孿毛鬍鬚Look，他即笑指其中有人叫他剃鬚：「同埋個髮型都有影響，型得哋、Cam Cam哋、娘娘哋。（會追唔到女！）應該唔關髮型事！唔係睇外表嘅！」
試過被當街搭訕
而被糖水淋濕的朱晨麗就笑指自己濕到落腳，雖然有帶定備用上衣，但棋差一着帶漏替換的褲：「依家慘喇，冇得換，意料之外！」談到她在戲中被調戲，她即透露入行前試過被人當街搭訕：「佢話電話唔見咗，需要我個電話嚟打畀佢，知佢係想抄牌，我就話唔好意思，我冇帶電話，然後即刻走！」
來源 source: http://hk.on.cc
|
鍾意就快D Share啦！
|
|
|
