2017年8月3日 星期四

甩拖吸金 200萬 唐詩詠 Sogo開店賣北海道蛋糕 再孖王浩信開咖啡店 [壹週刊 - 1430] __,王浩信,唐詩詠,詩詠,M1,

探熱針甩拖吸金200萬 唐詩詠Sogo開店賣北海道蛋糕 再孖王浩信開咖啡店今年五月,唐詩詠(Natalie)與拍拖兩年半的洪永城分手,回復單身。情場失 ...


探熱針

甩拖吸金 200萬 唐詩詠 Sogo開店賣北海道蛋糕 再孖王浩信開咖啡店

今年五月,唐詩詠( Natalie)與拍拖兩年半的洪永城分手,回復單身。情場失意,事業卻愈來愈順,《不懂撒嬌的女人》「 Cherry」一角大受歡迎,令唐詩詠短短三個月吸金二百萬。賺到錢,仲識得投資,原來她引入得獎無數的北海道函館洋菓子店 Petite Merveille,靜雞雞做咗老闆,第一店已於個多月前在銅鑼灣 Sogo地庫開業。

放工後巡店

上週三( 26/07),唐詩詠於銅鑼灣出席完活動,揸車到 Sogo附近停低,同行女友人負責看車,她則急步走入 Sogo百貨會合好友嗱嗱臨,再到地庫 Petite Merveille蛋糕店。店員見到老闆唐詩詠,即開店門讓她入鋪。

唐詩詠要睇實品質,在陳列雪櫃內取了個蛋糕,走入店內廚房試味,之後店員向她遞上蜜瓜甜品,唐詩詠拿出手機拍照,返鋪逗留短短廿分鐘離開,未被顧客發現。

落鋪巡視完,她即趕到中環歌賦街,原來約了好友林子萱在拉麵店歎下午茶,吹水三粒鐘才回家。

位於銅鑼灣 Sogo地庫的 PETITE MERVEILLE,原來老闆是唐詩詠,並已開業個多月。

巡完鋪後,唐詩詠趕到中環,原來約了好友林子萱下午茶食拉麵。

唐詩詠與洪永城拍拖兩年半,今年五月宣布分手,再見亦是朋友。

與 Sogo簽約兩年

有眼光的唐詩詠曾經從台灣引入紅極一時的洪瑞珍三文治,並只以 pop up store的形式投資。當時一轉已賺了十幾萬,食過翻尋味,唐詩詠半年前密斟引入北海道函館洋菓子店 Petite Merveille。

「 Nat好鍾意食嘢,特別係蛋糕,佢食過北海道呢隻芝士蛋糕後,覺得好好味,加上呢個品牌唔只係賣芝士蛋糕,仲會有好多期間限定嘅生果,製作唔同嘅甜品賣,咁就唔會獨沽一味,啱晒香港人鍾意試新嘢嘅心態。」

唐詩詠第一間店重鎚租下 Sogo地庫,六月已開業,「佢揀 Sogo都係貪嗰度人流夠集中,佢同 Sogo簽咗兩年約,今鋪瞓晒身。不過暫時唔想太張揚,所以冇搞開張活動。」唐詩詠身邊友人說。

上週三( 26/7),唐詩詠出席完活動後,即趕去 Sogo地庫的蛋糕店。

員工見到老闆,即遞上新口味蛋糕,等老闆試味。

試完新口味蛋糕,員工又遞上原個蜜瓜甜品給唐詩詠。

今次唐詩詠無試味,只拎出手機拍照。

3個月吸金 200萬

自從《不懂撒嬌的女人》出街後,唐詩詠人氣再升,加上與洪永城甩拖新聞,成話題的她工作量有增冇減,短短三個月,唐詩詠已吸金二百萬!

19/05 新車發布會:約$18萬

24/05 化妝品活動:約$18萬

05/06 唇膏廣告:約$30萬

13/06 化妝品活動:約$18萬

16/06 眼鏡活動:約$18萬

17/06 商場活動:約$18萬

28/06 商場活動:約$18萬

19/07 護膚品廣告:約$30萬

27/07 護膚品活動:約$18萬

28/07 新手機發布會:約$18萬

30/07 商場活動:約$18萬

共$222萬

情侶檔變生意拍檔

唐詩詠同王浩信憑住《撒嬌》情侶檔,不單令外界受落,近日還演變成搵錢拍檔。剛開蛋糕店的唐詩詠,下一步計劃就是跟王浩信合作開咖啡店,一於「陪着你走」。

「佢哋拍完《不懂撒嬌的女人》後熟咗,王浩信都想搞其他生意,知道 Nat開蛋糕店後同佢傾合作,出面一直話佢哋想搞甜品店,其實係咖啡店先啱,不過,要花多啲時間去籌備,選址租鋪都係一個難度,加上買咖啡機唔平,投資較大,所以要計清楚條數,而家仲傾緊。」知情者說。

王浩信與唐詩詠近日為開咖啡店密密斟,不過投資數目較大,所以要計劃周詳,唔急得!

鍾意做老闆的王浩信,數月前在銅鑼灣開了間潮店,專賣潮流服飾。

王浩信的潮店開張當日,找來朱千雪、蔡思貝及唐詩詠三位熒幕拍檔撐場!

近期賺到錢,唐詩詠將揸了很久的甲蟲車,換了架二手寶馬,並由原本的白色噴上嬌紅色,搶眼度甚高。

有生意眼光的唐詩詠幾年前引入過很受港人歡迎的台灣三文治洪瑞珍,當時一轉賺了十幾萬。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...