掃呢頁CODE去手機

2017年8月3日 星期四

叉燒包變身 Elsa 朱茵任阿女買零食 [壹週刊 - 1430] __,朱茵,M1,

5歲的叉燒包同好多小朋友一樣,都係鍾意《冰雪奇緣》裡面嘅Elsa。同你吟一吟叉燒包變身Elsa 朱茵任阿女買零食昔日的性感女神朱茵,自2012年為黃貫 ...


5歲的叉燒包同好多小朋友一樣,都係鍾意《冰雪奇緣》裡面嘅 Elsa。

同你吟一吟

叉燒包變身 Elsa 朱茵任阿女買零食

昔日的性感女神朱茵,自 2012年為黃貫中( Paul)誕下女兒黃鶯(叉燒包)後,除咗相夫教女外,仲要處理埋家頭細務,儘管有請工人姐姐服侍,但為咗屋企人食得健康,買餸重任絕對唔會假手於人。

《壹》仔就發現素顏兼戴上黑超嘅朱茵,帶埋打扮到一身 Elsa造型嘅寶貝女現身超級市場入貨,一入超市,朱茵先衝去揀奇異果,兩母女合力推住購物車穿梭超市,擁有精明主婦眼的朱茵睇啱咩都拎上手細心研究過先買,其間仲將超市當學堂,細心教囡囡選購健康食品,慈母樣出晒嚟,之後小公主嗌肚餓,索媽即刻帶阿女去揀餅乾零食,兩母女有商有量揀口味,但係囡囡食品已經堆滿大半個購物籃,呢個阿媽認真唔話得!

朱茵同寶貝女合力推購物車。

叉燒包精靈活潑,當日一身 Elsa造型的她不時情不自禁地起舞,未知是否唱緊《 Let it go》。

小公主嗌肚餓,朱茵即刻拖實囡囡轉戰去揀餅乾零食。

做咗阿媽特別精明,朱茵樣樣睇啱都拎上手研究過成分先買。

黃貫中同朱茵上年陪囡囡到迪士尼慶祝生日,一家三口樂也融融。

撰文:八珍

攝影、攝錄:李溢敏、瀚鍾、余一駱


鍾意就快D Share啦!