係愛呀！
講到最近網上流傳一張謝霆鋒同王菲去日本嘅相片，咁啱8月2日係Lucas生日，唔少網友都聯想到霆鋒今年有冇陪Lucas過生日，咁事實係點呢？栢芝話：「網友言論我唔評論，佢哋有自由思想，至於霆鋒有冇陪個仔過生日，我不作回應，我只想我兩個仔有一個快樂開心嘅童年，冇任何唔好、負面嘅想法，大家可以睇到我嘅IG，佢哋到依家都係一個好純真好開心嘅小朋友，呢樣嘢對我嚟講，非常重要。」
之後栢芝仲話要捍衞番自己嘅尊嚴！佢話：「其實今次做電話訪問，我係想捍衞我嘅尊嚴，食咗咁多年死貓，有啲媒體咁多年都不斷抹黑中傷我，講到我好似冇咗呢位男仕（指謝霆鋒）唔得，我保持單身咁多年，冇錯，呢個係我嘅選擇，我想將我啲時間畀晒我兩個仔，陪住佢哋成長，唔想錯過佢哋嘅童年，但咁樣唔代表我冇人要，唔代表我唔可以得到幸福、冇權利去拍拖，唔係好似一啲偏激嘅媒體報道所講，我冇咗邊個唔得，今次清晰咁去交代清楚，係想大家唔好再有遐想，話我一直等待一個根本我唔想等待嘅人。」
至於有指謝霆鋒同王菲去日本旅行，王菲帶埋女兒李嫣同行，栢芝又點睇？佢話：「王菲去旅行帶埋個女，有咩問題？佢（指謝霆鋒）咁大個人，知自己點安排自己時間，希望佢哋喺日本玩得開心啦。」
來源 source: http://hk.on.cc
|
鍾意就快D Share啦！
|
|
|
