掃呢頁CODE去手機

2017年10月1日 星期日

最壞打算患脷癌 洪朝豐食藥止痛 __,癌,洪朝豐,

洪朝豐左邊脷底發炎,脷傷口突然變壞,佢話最壞打算係患脷癌!患有抑鬱狂躁症多年嘅前DJ洪朝豐,2013年起靠打坐靜修配合藥物治療,病情漸漸受到控制。兩年 ...


洪朝豐左邊脷底發炎,脷傷口突然變壞,佢話最壞打算係患脷癌!


患有抑鬱狂躁症多年嘅前DJ洪朝豐,2013年起靠打坐靜修配合藥物治療,病情漸漸受到控制。兩年前,洪朝豐重遇1988年曾任其電台節目嘉賓的林敏怡,二人一拍即合,早於3月頭時假中環藝穗會舉行兩場《靜心。能量。音樂會》。

脷傷口突然變壞

生活回復正軌的洪朝豐突然傳出患病,他自稱可能患脷癌,指過去一年左邊脷底發炎,之前做過一次透過小手術將發炎組織取出再切片化驗的檢查,結果發現沒有癌細胞,但脷傷口突然變壞。至上周四(28號)要再做第二次切片檢查,16號將有新一次報告。洪朝豐又稱最壞的結果可能得脷癌,他指好的細胞會因為某些原因變成壞細胞,壞細胞會變成癌細胞,而他在第一次檢查報告中,發現細胞病變到第二期,如果再病變落去就變第三期,即是癌症初期。

一路食一路痛

洪朝豐接受東網訪問時,反安慰大家勿太擔心,一切等第二次切片檢查結果再作打算,又話:「第一次做切片,醫生話我傷口埋得好好,點知喺好短嘅時間內,傷口上面又覆蓋咗黃色嘅燶,我條脷發炎嘛,同埋發現佢蔓延速度比較快,覆蓋範圍比較大,但係條脷病咗啫,說話、食嘢都會痛,要就住傷口啫,咪一路食一路痛,一邊享受食物嘅美味囉,係好慘烈㗎,哈哈!(要食止痛藥?)有有,有止痛藥食!(可有停食抑鬱狂躁症藥?)繼續食,日日都食。」他又說有繼續教學生上打坐堂,但亦有影響工作,他說:「講嘢要就(傷口)住,其實我講嘢都痛嘅,就算唔講嘢要吞口水呢都會痛。」

唔講邊個照顧

問可有人照顧他?他說:「有,有人照顧我!(邊個呀?)哈哈,er…(咗三秒鐘),呢個…,總之我係有人照顧,ok嘅!(你仔仔?)我仔仔去咗英國做嘢!(叫佢返嚟?)唔使,我暫時都行得、郁得。(你一個人住有乜事點算?)有人照顧,嗰度…我有人照顧,大家唔使擔心!(圈中人?)唔…好喺呢度落筆(好神秘?)唔係神秘,我係好彩囉,(點照顧你?)起居飲食呀,其實我都係一個正常人咁嘅,正常活動,脷發炎之嘛,只係超過一年,都出嚟見朋友,睇戲,社交活動,我一向都有body check,冇問題嘅。」

台灣旅遊

而洪朝豐亦樂觀面對自己的疾病,上月中更到台灣的佳樂水旅遊影靚相,相中見他春風滿面,更擺了不少嬌俏甫士,未知會否跟同行的攝影師有關呢?


來源 source: http://hk.on.cc
鍾意就快D Share啦!