2017年11月26日 星期日

【Anjay擺酒】仲有個幾星期預產期 賴慰玲波鞋姊妹look現身 __,賴慰玲,Anjay,

今日Anjaylia同老公黃頌祈嘅大喜日子,好姊妹賴慰玲就算腹大便便亦有現身,晚上賴慰玲着住姊妹衫到場,佢好乖冇着高踭鞋着咗波鞋,仲話:「重有10日8 ...




今日Anjaylia同老公黃頌祈嘅大喜日子,好姊妹賴慰玲就算腹大便便亦有現身,晚上賴慰玲着住姊妹衫到場,佢好乖冇着高踭鞋着咗波鞋,仲話:「重有10日8日預產期就到,其實而家已經足月,所以成日諗如果飲飲吓作動唔知點算,我老公都有嚟,佢同一對新人都好friend。」又話帶埋走佬袋去飲,放咗喺車度,又話準備順產,有時佢諗行行吓街作動點算,所以覺得都好刺激。

問到賴慰玲驚唔驚順產?佢話:「唔驚,就係想知有幾痛。」講到今日做隱藏姊妹,佢話知有踼轎,覺得好好玩,但同老公商量過,始終而家就生得,好容易攰,所以今晚先至到場,又話:「班姊妹好好,好細心,提我一定唔好着高踭鞋,所以我揀波鞋着,一陣會同一班姊妹及新人進場。」賴慰玲仲話而家重咗30磅,BB對佢好好。

攝影:陳俊強 今日姊妹Anjaylia結婚,腹大便便嘅賴慰玲已有現身。




鍾意就快D Share啦!
Related Posts Plugin for WordPress, Blogger...