2017年11月26日 星期日

下次奧斯卡?惠英紅1年封6后嘆搵唔到錢 __,奧斯卡,惠英紅,

竟然搵唔到錢?真係估你唔到。影星惠英紅憑電影《血觀音》摘下首個金馬影后殊榮,為港人爭光!該片亦分別獲得「最佳女配角」及「最佳劇情片」,劇組於頒獎禮後拉 ...


竟然搵唔到錢?真係估你唔到。


影星惠英紅憑電影《血觀音》摘下首個金馬影后殊榮,為港人爭光!該片亦分別獲得「最佳女配角」及「最佳劇情片」,劇組於頒獎禮後拉大隊慶祝,期間年僅14歲的文淇不停「放蚊」打呵欠,場面搞笑。

封金馬影后圓夢

已先後於今年獲得6個影后獎的惠英紅,於慶功宴上換了另一套服飾,仍難掩興奮心情,對於首獲金馬影后感受,她坦言這一直是自己願望:「喺金馬40屆嘅時候,我都拍咗20年戲,但從來冇提名過影后,到今日終於完成到。」說到此時,金馬主席張艾嘉專程到來恭喜她,令惠英紅高興不已,兩人甫見面即擁抱,惠英紅更高呼張艾嘉為偶像,而張艾嘉對於失落影后未有半點失落,還笑指一早睇好惠英紅封后,還大讚她是一個好演員,惠英紅聞言亦謂:「我係一隻牛嚟㗎!」

上台攞獎頭都暈

談到當了金馬影后第一件做的事,惠英紅坦言是致電老闆楊受成,她謂:「楊生真係好支持,今晚公司啲高層都有嚟,梳化服都係楊生出錢,家姐又嚟咗見證我攞獎。(覺得自己贏喺邊度?)其實4個都好,唔同類型,我賽前睇好張姐(張艾嘉),佢演技好(評審話要4輪投票先選出影后!)係呀?尹馨我之前做評審都畀高分佢,文淇得14歲,但佢處理感情戲好叻,當然我自己都幾好,一路都有同自己講係得嘅!」對於上台獲獎時有點暈陀陀,惠英紅謂:「真係暈,因為條裙好貼身,再加上冇食嘢,我坐到好痛,後來直頭除咗條腰帶,到叫我名時啲血上晒頭,我頂住上台,諗住扶住支咪,點知支咪又鬆,搞到我啲手指抽晒筋(咁下個目標拎咩獎?)奧斯卡?哈哈!但我啲英文窄窄哋。」更指今次於《血》演反派,拍攝前放了很多功夫揣摩角色。

新片唱大戲

問到會否加片酬?惠英紅坦言從來沒有想過,認為加到就加,更謂:「我一路以嚟都搵唔到錢(收好平片酬?)好多都係搭膊頭接,因為係朋友(個獎會唔會拎去媽媽墓前?)新墓唔去得住,但攞獎媽咪會知嘅。」將於周一返港的她,透露將有一天假期,之後便要投入新片拍攝,她謂:「29號開工,今次演姜皓文太太,要唱大戲,花旦同小生都要做,所以要學,之前就會同公司同事慶祝,楊生話會開個派對。」

文琪進軍內地拍電視劇

至於出爐「最佳女配角」文淇則坦言有點眼瞓,更未能完全接受攞獎的事實,問到下一個作品將會是什麼?她謂:「內地電視劇,是古裝,會跟王俊凱合作,但我比較喜歡拍電影,因為可以有更多時間體驗角色。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!