2018年3月13日 星期二

何佩瑜拍戲增肥15磅 過來人張建聲講難處 __,何佩瑜,張建聲,Jeana,

何佩瑜要喺3星期暴脹15磅。藝人何佩瑜(Jeana)為拍新片《作家的謊言》可謂豁出去!向來身材Fit爆的她,平日花很多時間KeepFit,但今次為做好 ...


何佩瑜要喺3星期暴脹15磅。


藝人何佩瑜(Jeana)為拍新片《作家的謊言》可謂豁出去!向來身材Fit爆的她,平日花很多時間Keep Fit,但今次為做好師奶角色決意「犧牲色相」,日食夜食谷肥自己,結果在短短3星期就暴脹了15磅,成功達標!首次擔任監製的張建聲,對於Jeana如此搏命,相當欣賞,他謂:「好感恩戲入面有兩個好嘅女主角,松岡李那要練廣東話、拍Love Scene,有好多困難;Jeana為呢部戲就增肥,餐餐食兩盒叉雞飯,食雪糕,又薯片又汽水,望到心痛㗎,見到佢為角色付出、好入戲,係一個全新嘅Jeana。」

曾經亦試過為拍戲增肥30磅的張建聲,以過來人身份道出增肥的難處,他謂:「其實明明食唔落但又要夾硬隊,其實好辛苦,睇住一個女仔咁樣付出係好值得尊重。」

一口氣隊兩個飯盒

Jeana亦曾在社交網上載過一口氣隊兩個飯盒的相片,她留言:「以下動作有專人訓練切勿模仿,為了琦琦這角色,每餐自己吞下兩碗飯。」Jeana透露其角色是個有小朋友的家庭主婦,但又有陰暗一面,同以往演出大不同,她說:「我成個妝都要憔悴,身形要圓潤啲,靚嘅就交畀松岡。呢排我係咁食澱粉質食物,肥10幾磅唔難,初時我係咁食嘢增肥,有時真係會冇胃口食唔到,食飽冇耐就要食啲酸嘢令胃口好啲,依家適應咗,一日好似食緊三日嘅嘢。我會畀個期限自己嘅,拍完之後兩個禮拜內要瘦番。」

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...