蘇麗珊話如果男友嚟探班會搞到佢分心㗎！
女星蘇麗珊（Cecilia）到中環出席記者會，正忙拍新戲的她笑言自己是典型低頭族，經常玩手機消磨時間：「玩到頸都痛，都想抑壓吓自己篤手機嘅衝動。（掛住同男友傳情？）Send吓短訊都要嘅！（要經常同男友報到？）我都係幾有安全感嘅女朋友，有時佢問我做緊乜，都會Send張相畀佢睇睇，視像就少啲！（叫男友探班？）唔好佢嚟到我會分心㗎，又唔可以唔理佢，都試過嚟探班放低嘢食咁嘅。」
唔介意素顏拍戲
Cecilia透露在新戲中要坐輪椅，即使埋位拍攝依然要坐定定，不能四處走動，令好動的她感覺如「畀蟻咬」，因此閒時會去運動，講到她最近在社交網分享素顏Look做運動的影片，她笑言：「我都畀朋友寸，問我係咪嫌粉絲太多，不過我自己就冇所謂，打咗燈，唔算係自己最醜一面。（接受到素顏演戲？）導演肯我就肯㗎，我唔介意展現自己真實一面，不過我食嘢都好雜，皮膚易敏感，如果係要戒定口。」
來源 source: http://hk.on.cc
|
鍾意就快D Share啦！
|
|
|
