日前喺銅鑼灣希慎廣場，同大劉劉鑾雄口角，繼而被大劉指罵係整容怪物，兼整容N次嘅許珮榆（Diva），因為今次邊行路邊睇手機，引致護子心切嘅大劉，怕Diva撞到其兒女而緊張提點，豈料變成相方街頭口舌爭辯，被指整容怪物嘅Diva更表示，當時向大劉表示話可以即刻去驗，問大劉如果佢冇整容，係唔係賠錢俾佢，無論誰是誰非，夠膽喺街頭同大劉唇槍舌劍，兼討價還價嘅人都真係罕有少見。
Diva日前於清水灣為本報拍攝夏季水着，現年27歲，擁有混血樣子嘅許珮榆（Diva），祖父係葡萄牙人，外婆係新疆人，2009年拍攝TVB青春劇《四葉草-南華夢飛翔》出道，曾簽約模特公司成為陳靜（DaDa）師妹，2013年曾推出寫真《華麗美少女》，2016曾參加ViuTV選美節目《美選D.n.A》，曾參與多齣電影演出，現在活躍大陸登同東南亞登台演出，簽約大陸公司，Diva稱一年大概有50場演出，主要係唱歌同負責DJ打碟。
Diva成年都喺全大陸不同城巿登台獻唱，練得一口流利普通話，就連飲歌都係大陸最hit嘅歌，Diva話：「自己都希望有自己嘅歌推出，在大陸工作算辛苦，試過到茂名，沒有飛機直達，要坐車6小時，試過尿急都唔敢去大陸街上嘅洗手間，要較為乾淨先至夠膽去。」展望將來，Diva希望喺香港有機會拍電影，佢話：「希望喺香港拍電影，喺大陸工作耐咗，想多點時間留喺香港發展。」
Diva年前搭港鐵時遇上不愉快事件，當時被非禮卻沒有報警，咁啱得咁橋，又係被人影到佢同一名大叔嘈交，Diva回想：「網上有短片流傳我喺地鐵同一個阿叔嘈交，其實係一年前發生，當時自己穿着露腰上衫，個大叔大斷用手摸我、非禮我，我退後叫佢唔好再摸，佢唔認，又話唔小心撞到我，我叫佢講對唔住，佢唔肯，我實在忍好耐，因為趕住去做嘢冇報警，我想呼籲，作為女性一定唔可以驚，一定要出聲，我下次一定會追究到底。」
|
鍾意就快D Share啦！
|
|
|
