係咪堅？
陳志雲（Stephen）舉行演嘢會，期間扮已故電視廣播有限公司非執行董事方逸華「上身」，與王喜繼續寸爆無綫，王喜抵死表示乜都冇準備就可以請到對方上來，方逸華「上身」的陳志雲抵死表示：「我同Stephen就唔friend嘅，但錫唔錫佢我就唔講啦，但我冇撕過佢啲通告㗎！」他又說覺得大台就像旺角行人專用區，有山頭主義：「唔係嗰個山頭就叉唔到隻腳入去。」又謂王喜應該好清楚呢件事，之後他更講笑話唔知大台會否像旺角行人專用區般遲早摺埋。
之後播出一條短片，片中陳志雲與王喜大玩「HeHe」情，片段中身在日本的兩人扮演相識相愛的過程，王喜更為陳志雲戴上戒指，之後出現兩人更頭貼頭、王喜背對背孭起陳志雲等「甜蜜」畫面，最後片段更寫上「Just married」，全場即拍手歡呼。之後兩人身穿片中的禮服手拖手出場，陳志雲更撒嬌地瞓在王喜的大髀上。
攞崔建邦打女人嚟玩
兩人繼續演戲大談婚姻的話題，分析情侶相處的大忌。王喜向陳志雲表示不一定要影婚紗相：「何況你又唔係女人，我揀女人嘅話我揀宣萱啦。」陳志雲即扮嬲謂：「你同宣萱真係有嘢嘅，宣萱有咩咁好呀！」之後兩人又講到不可以提對方的前度，王喜提到陳志雲愛將「崔建邦」，陳志雲即謂：「你做咩提崔建邦？你以為我真係鍾意佢咩？佢頭尖額窄，又鍾意打女人，但佢唔會打我嘅，因為我唔係女人。」全場大笑。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
