2019年5月2日 星期四

關智斌:人身安全受威脅!紅衣女子闖屋苑尋Kenny __,關智斌,

不可一不可再,更恐怖嘅係原來紅衣女子唔係第一次咁做!!藝人關智斌(Kenny)近年中港兩邊走,仲轉型做埋肌肉型男,不過藝人風光背後,有幾多麻煩事真係自 ...


不可一不可再,更恐怖嘅係原來紅衣女子唔係第一次咁做!!


藝人關智斌(Kenny)近年中港兩邊走,仲轉型做埋肌肉型男,不過藝人風光背後,有幾多麻煩事真係自己至知。今日Kenny就喺社交網發長文,配圖一位CCTV截圖,圖中見到一位樣貌打咗格嘅紅衣女士相,佢文中就提到原來佢畀相中人騷擾足足半年,今次對方更加想硬闖屋苑搵到上門!

騷擾足足半年

Kenny發文指,近半年時間,該女子經常喺佢社交網留言及Send圖片,內容包括「莫名奇妙的想像和威脅性的語氣」,對方更查獲好多Kenny嘅個人資料,如地址、電話號碼、通訊帳號等,迫到佢從年初開始就要更換好多個人資料,甚至轉電話號碼,真係令人心寒。一直到前日(4月30日)約晚上11點多,Kenny突然收到保安員通知,指一位穿着紅色衣服、拖着行李箱和操國語的女士出現在大廈門口,並利用保安電話聯絡Kenny及Kenny鄰居,意圖闖入電梯大堂,好彩屋苑保安人員阻止,不過最遺憾嘅係竟然唔係第一次發生!

女子唔收手Kenny隨時報警

心有餘悸嘅Kenny借社交平台勸該女子收手,直言對方嘅恐怖行為已經令佢深深感到困擾,並開始擔心自己人身安全:「關於該晚和之前闖入的事情,暫時保安人員已經把相關閉路電視的片段保存下來,之前你發給我的所有留言截圖也已經交由公司報備,希望你可以停止你的行為,重回閣下生活的正常軌道。我將保留一切維護我個人人身安全的權利,若有情況再度發生,我必定報警處理。」

而Kenny經理人霍汶希就有轉發發文,呼籲粉絲要尊重藝人私隱:「支持藝人應該是支持他的作品及舞台,而不是打擾藝人的私生活及侵犯別人的私隱。」




來源 source: http://hk.on.cc
鍾意就快D Share啦!
Related Posts Plugin for WordPress, Blogger...