網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月24日 星期五

二女豪放胸壓老外 馬詩慧無奈解畫︰又唔係冇着衫




王敏德二女麗嘉時常在 instagram曬泳照,就算在家中亦要自拍伸脷照自娛。

上流滙

二女豪放胸壓老外 馬詩慧無奈解畫︰又唔係冇着衫

王敏德與名模馬詩慧結婚 21年,雖然男方屢被拍下背妻約會索女,但每次老婆都力撐信任丈夫,加上兩人不時帶同三名仔女出席活動,堪稱圈中模範家庭。

一直以來,三名子女在馬詩慧全天候監管下,學業、品行都是模範生。不過,留學美國的二女麗嘉因為冇王管,近日瞞住雙親與老外男友打得火熱,更暗中將火辣三點式相及與男友的親熱壓胸照放上 instagram。

當記者問王敏德夫婦知否女兒拍拖時,老竇王敏德不知所措急急腳走人,剩下馬詩慧無奈解畫︰「又唔係冇着衫……細路女玩啫……」

圈中模範母親馬詩慧,多年來勞心勞力相夫教子,貼身服侍三名子女。兩個女兒成績優異,在名校瑪莉曼中學畢業後,大女在 LA修讀 Fashion Marketing, 17歲二女麗嘉去年亦跟隨姊姊留學,並連讀兩校,半天讀高中、半天讀高爾夫球學校( Hank Haney Junior Golf Academy)。細仔躍穎去年亦考入名校華仁。

斷片狀態

這張照片不但高抄,同時麗嘉坐在廁所磁磚上,看來她正在進入斷片狀態。

心口當枕

instagram有不少麗嘉與老外男友的生活照,不乏老外個頭貼住麗嘉右胸,以及兩人胸貼胸親密照。

讀高球名校

性感合照

王敏德都係半個老外,所以麗嘉在他面前着得咁性感,他都不介意。

「 Janet(馬詩慧)諗得好仔細,佢知道二女 Irisa(麗嘉)冇家姐讀書咁叻,所以安排佢喺運動方面發展。 Michael(王敏德)一向好鍾意打 golf,佢曾經帶 Irisa去打波,發覺二女呢方面有啲天份,所以特登幫佢搵間高爾夫球學校,貪 Hank Haney係高球名將 Tiger Woods嘅教練,俾個女有多一個發展空間。」知情者說。

本來二女麗嘉有大女曼喜𥄫住,馬詩慧好放心,不過自去年尾大女讀完書返港,二女就變得冇王管。據知半年前,二女更交上老外男友,老竇王敏德收到風後,更立即致電愛女,叮囑她要小心保護自己。王敏德曾透露︰「我好緊張兩個女,愈大愈擔心,以前就話 18歲至准拍拖,依家就話最好 21、 23,甚至 25歲至拍拖。」近日馬被問到若女兒帶男友見家長會否驚喜時,她亦漏口風︰「有驚!但唔知會唔會有喜。未咁快!見得家長應該嫁得出。」

強調知拍拖

王敏德即閃

上周三( 15日),王敏德夫婦出席公關公司晚會。記者向兩人遞上二女麗嘉胸壓老外男友的照片,王敏德甫見照片即急急腳彈開,剩低皺曬眉嘅老婆獨自應付記者。

馬詩慧曾明言不想女兒過早拍拖,上周三( 15日)面對女兒與男友的親熱照,她惟有全程護女,無奈解畫。

記:有冇睇過二女喺 instagram同男友嘅親熱相?

馬:……有!(諗幾秒才答)

記:感覺如何?覺唔覺過分?

馬:佢哋係朋友,有乜過分?(反問)

記:覺唔覺得呢種風氣唔好?

馬:基本上 instagram係朋友先看到,唔係 open to public。佢想同朋友 share, post啲相上去,我全部都睇到。

記:有冇見過佢男友?

馬:冇見過真人,只睇過相。

記:點睇個女拍拖?

馬:佢都 18歲啦!可以唔俾(拍拖)咩!

記:會唔會好開通同佢講拍拖?

馬:有有有!搵到個男仔錫自己個女,我開心都嚟唔切。佢哋 post嘅相,又唔係冇着衫坦蕩蕩。(有張壓胸相都好激喎!)細路女玩啫……我哋大人玩起上嚟嗰陣,有時都好癲啦,都會……又唔可以話失控,最緊要佢哋知道自己做緊乜囉,我覺得 OK囉。

記:會唔會飛過去見下佢男朋友?

馬:唔使咁緊張,係佢就係佢,唔使咁急!

記:係咪自小已灌輸性教育?

馬:有。屋企有,其實學校好早都有。

記:係咪覺得做藝人父母甚艱難?

馬:食得鹹魚抵得渴,做得呢行,最緊要自己行得正企得正囉!

老公約索女要解畫,依家女兒拍拖攬仔又要解畫,馬詩慧呢個賢妻良母真係唔易做。

王敏德近年減產,但去年仍有和李亞男合作,為 TVB拍旅遊節目《爾巒品味意國》。

王家對子女管教甚嚴,曼喜學成回港,今年亦要跟父親學做生意。

「海歸」唔易教

外國校風開放,不少富二代學生亦因此變得更加我行我素。為人父母者,要管教這班「海歸」(海外歸來)子女,更加唔易。

林心兒 又煙又酒

22歲的林建嶽二女林心兒,出名貪玩,曾被發現醉倒老蘭街頭,又曾在網上大曬金句︰「 A bottle a day keeps the doctor away.」一日一支酒,醫生遠離我,認真吹脹!

邢嘉倩 曬親密照

邢李㷧與前妻張天愛所生女兒邢嘉倩,身邊不乏男伴。曾與楊海成二子楊嘉傑、潘世亨等拍拖的她,不時在網上大曬自己同男伴的親密照。

謝婷婷 喜愛夜蒲

謝婷婷 05年由加拿大回來,不時被傳媒拍到一女拖數男的夜蒲照片,曾經令出名管教嚴的拉姑相當頭痛。直至 09年,謝婷婷戀上安志傑才絕跡夜場。



鍾意就快D Share啦!