全城熱爆的娛樂八封新聞 & 時事趣聞 & 生活 + 趣聞
因為患上胃癌，要動刀切除整個胃部嘅司馬燕，嚟緊只要做多一次化療，就可以轉做藥物治療。五十歲面對生死大關，體重暴跌得番七十九磅，不過司馬燕依然好樂觀，上個禮拜仲帶埋兩個仔仔一齊去 ball場，出席公關公司舉辦、有關癌症基金嘅慈善晚宴。
不過早排《壹》仔見到司馬燕同朋友現身中環，發覺佢頭髮顏色同去 ball嗰晚完全唔同，幾乎成頭都係白髮，有理由相信司馬燕受到化療過程影響，令髮質變色。 女人始終貪靚，更何況以前係 ball場常客嘅司馬燕，唔可以再著低胸露背晚裝同其他阿太們爭艷鬥麗，變髮術令外表望落精神啲，其實對人對自己都係一份尊重。
受化療影響搞到滿頭白髮，八十磅都冇嘅司馬燕，背影分外蒼老。
已經好耐冇去 ball場嘅司馬燕，染番個靚髮，帶埋兩個仔仔出席有關癌症基金嘅慈善晚宴。
