一齊交託俾神！（設計對白）
探熱針
陳振聰賣發跡屋冇錢袋
年初由風水師突然信主變基督徒的陳振聰，繼在千億爭產案敗訴，今個月中才解決一直拖欠律政師的數百萬訟費後，本週一（五月二十日）開始，又要面對涉嫌偽造及行使虛假遺囑案審訊。
官司一單接一單，又被稅局追討過億稅款，長命債有排還，據了解，上月再度變賣物業套現的陳振聰，狠心將半山發迹風水屋威豪閣沽出，雖然分到過千萬，但隨即被稅局凍結，賣屋冇錢袋，雪上加霜。
低於市價
富貴不再的陳振聰以往曾擁有私人飛機、豪華遊艇周圍飛食好嘢，現在出入揸三十多萬環保電動車，平日大部分時間只跟教會弟兄姊妹查經講見證。全心信耶穌，就連早排是非纏身的老友黃浩、及老婆徐淑敏亦受他影響，雙雙決志成為教徒，搵神打救。
陳振聰插班信主後獲得依靠，但面對過億欠款，始終要自己諗辦法解決。四月中，他將與老婆譚妙清共同擁有，於九二年以九百五十萬購入的麥當勞道威豪閣單位，以三千四百八十萬出售，獲利二千五百三十萬，雖然陳振聰可分得一千多萬，但最終好夢成空。
據了解，千億爭產案敗訴後，陳振聰不單要付數百萬元訴訟費，更要繳交三億多元稅。去年底，他低於巿價以三億八千萬賣出半山楠樺居獨立屋，稅局成功申請禁制令，凍結當中的一億九千九百多萬，並交還到稅局。由於尚餘一億四千多萬要立即繳付，故今次出售發迹屋後獲利的千多萬，亦遭到即時凍結。
等錢使
「陳振聰成日同人講呢間威豪閣係佢嘅發迹屋，點都會保留，不過而家成身債，唔賣唔得，仲要低於巿價，佢之前半山間楠樺居都係平賣，等錢用，冇辦法。」知情者說。
對於賣發迹屋套現急救，陳振聰在電話中未有正面回應：「我件案要開審，而家唔係咁適合講嘢，或者遲啲再慢慢傾。」再問他心情如何？「我好平靜，好多時都會返教會同祈禱。」
|
鍾意就快D Share啦！
|
|
|