網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月23日 星期四

Eason見歌神發姣




姣笑

同你吟一吟

Eason見歌神發姣

上個禮拜五(五月十七日)張學友同陳奕迅孖住出席《太陽計劃 2013》宣傳活動,兩代歌神更首度合作,合唱大會主題曲《同舟之情》。

係人都知 Eason係歌神嘅忠實 fans,見到偶像, Eason忽然姣婆上身,一時攬實學友,一時又扮怕醜伏响學友背脊。

兩個大男人台上你拉我扯, Eason話見到偶像完全控制唔到自己嘅興奮心情,錄音嗰陣,喉嚨驚到係咁震,但轉過頭就俾學友當場踢爆,話錄音當日 Eason遲到咗個幾鐘,最後學友仲爭贏為合唱歌唱和音。

唔介意俾偶像篤背脊, Eason仲好得戚:「有歌神同我做和音,係咪勁先!」見 Eason咁玩得,學友再爆三年前睇佢演唱會,發現毫無錯處, Eason開心到怕醜姣笑,學友再出招:「乜你識怕醜咩?我以為你剩係識唔知醜!」

早排記者話 Eason肥咗,勸佢節制吓,佢嬲到連利是都唔派,同電視台做訪問發脾氣,其實大家都係講緊真心話,只係 Eason唔敢得罪歌神啫!

揼骨

記者嗌合照, Eason飛擒攬實學友露姣樣,之後仲幫偶像按摩。

Eason見到學友,同食咗興奮劑冇分別,台上不斷狂笑,又失驚無神伏响學友背脊。

學友獲大會頒發感謝狀, Eason攝位做 V字手勢,身旁嘅政務司司長林鄭月娥都俾佢嚇一嚇。

兩代歌神任你揀,呢位少女只係揀同學友影合照。



鍾意就快D Share啦!