網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年5月16日 星期四

阿刨辭演 仙姐嬲爆 陳寶珠執二攤




阿刨唔肯做,由近年戲癮大發的陳寶珠頂上,執二攤也在所不計。

唔做得唔得呀,師傅!(設計對白)

探熱針

阿刨辭演 仙姐嬲爆 陳寶珠執二攤

剛慶祝完八十五歲大壽的白雪仙,原本打算年尾召集嫡傳弟子阿刨(龍劍笙)及阿嗲(梅雪詩)再次合體,重組「雛鳳鳴」演出《牡丹亭驚夢》。零戲癮的阿刨,最後以健康為由,膽敢抗命辭演。

最錫嗰個最唔聽話,嬲爆仙姐退而求其次,搵只屬掛名徒弟、甚少執手教導的陳寶珠頂上,明年一月及三月,孖住阿嗲在文化中心演出三十場長劇《李後主》及《再世紅梅記》。

拜師任劍輝多年,寶珠姐終於有機會坐正,做雛鳳長劇主角。

仙姐有寄託

仙姐平時排戲最愛使走阿嗲,然後落場教順便與阿刨過吓癮,唔知明年寶珠姐有冇呢個福份?

雛鳳鳴劇團自○五年重組後,先後在○六及一一年作三次長劇及折子戲演出,每次開足幾十場依然一票難求,戲迷瞓街撲飛,門票更破紀錄在一小時售罄,賣飛能力同歌神張學友及陳奕迅有得揮。

已屆八十五歲高齡的仙姐,近兩年處於休息狀態,年紀大聽力及視力逐漸衰退,身邊人希望仙姐有寄託,於是由「任白基金」的高太(仙姐契女)再度出錢又出力,重召雛鳳班底,撮合「龍梅」在年尾演出《牡丹亭》。

多多藉口

阿嗲開曬口隨時 ready,阿刨卻一味縮,又話壓力大、又話健康有問題,彼此拉鋸數個月,最後由仙姐出馬,點知一樣搞唔掂,師傅都無情講。

「仙姐其實最錫阿刨,但佢點都唔肯再做,仙姐梗係嬲啦,但又無佢辦法;身邊人於是獻計,叫佢搵掛名徒弟陳寶珠頂上。」知情人士說。

在紅館搞過折子戲的寶珠姐,去年尾才夥拍國寶級演員蔣文端在文化中心做長劇《紅樓夢》,也曾與阿嗲為八和籌款,演出《李後主》之《去國歸降》及多次演出《再世紅梅記》之《折梅巧遇》,今次仙姐親自開聲,她更義不容辭。

阿刨每次回歸場面例必墟冚, fans逼爆,○五年首演《西樓錯夢》(右圖)更掀起撲飛潮。

上星期仙姐八十五歲大壽,寶珠姐(左)及張家輝夫婦、唐唐等名人為她慶祝。

去年尾與國寶級花旦蔣文端做完《紅樓夢》,寶珠姐在八和籌款與阿嗲合作《去國歸降》(李後主其中一場折子戲)反應甚佳(上圖),明年演出也鎖定了《李後主》長劇。

無得比

雖有不少刨迷批評寶珠姐唱腔及身段未夠班,同阿刨差一大截,但當事人卻信心十足,決定與阿嗲在明年一月及三月於文化中心演出長劇《李後主》及《再世》兩套任白戲寶。

至於場數及票價方面,大會初時亦有所憂慮,但見寶珠迷不下於刨迷,最後維持大搞三十場決定,但相比「龍梅」搭檔,排隊黨及撲飛熱,勢難再現。

益咗阿刨

現年六十六歲的陳寶珠,由粵劇老倌宮粉紅及陳非儂收養,自小學習粵劇,九歲開始跟隨名伶粉菊花學北派武藝,之後常與師傅演出,並與梁醒波女兒梁寶珠合演粵劇及開始拍戲,當時紅到發紫的任劍輝與宮粉紅夫婦屬世交,於是收陳寶珠做首名徒弟。但當年帶藝投師的陳寶珠因為愈來愈多戲拍,根本無暇學藝。

及後任姐及仙姐的「仙鳳鳴」演出《白蛇傳》,要招募學生演出其他配角,當年阿刨及阿嗲等有份入圍並接受訓練,陳寶珠就有重要角色做。任姐也俾足機會,安排她在「雛鳳」折子戲演出,甚至在「仙鳳鳴」擔任小生(第二男主角),但寶珠姐因為要拍戲,由阿刨頂上,因有天分又勤力,阿刨一鳴驚人,當上了「雛鳳鳴」鐵膽文武生,地位至今無人能及。

寶珠姐養母宮粉紅一○年在她演出折子戲期間去世。

受世交所託,任姐曾薦陳寶珠在「仙鳳鳴」擔當重要角色。

寶珠姐學藝時期,雖不是「雛鳳鳴」成員,仍獲安排與阿嗲合演《幻覺離恨天》。



鍾意就快D Share啦!