掃呢頁CODE去手機

2013年5月3日 星期五

不滿硬選港姐 樂基兒與細妹炒大鑊




姊妹手長腳長

索妹 Crystal與家姐樂基兒一樣,手長腳長,擁有五呎九吋 model身形。不過去年索妹提出想參加香港小姐,遭樂基兒強烈反對,兩姊妹因此嗌交。

娛聞樂

不滿硬選港姐 樂基兒與細妹炒大鑊

一年容易又港姐,今屆香港小姐已開始招募海外佳麗。一如以往,海外甄選完畢後會選出約十名佳麗,直接入準決賽。不過多年來,海外佳麗都被視為陪跑一族,少有能入到三甲,但今年終於有黑馬參選。

本刊收到消息,樂基兒 24歲細妹 Crystal不理家姐反對,準備以三藩市海外佳麗身份參選今屆香港小姐。據知 Crystal眼見家姐樂基兒在娛樂圈有名有利,上屆港姐招募時已經要求參加,但遭樂基兒及當時的姐夫黎明極力反對,其間兩姊妹更不下一次嗌交收場。不過樂基兒自從離婚後,只顧四處旅遊玩樂,據知 Crystal已成功遊說媽咪做提名人,並已入紙參選等面試,誓入娛樂圈!

齊𠱁樂媽

今年三月,樂基兒返三藩市老家逗留兩星期,雖然為參選港姐一事曾與索妹鬧翻,但難得一家人相聚,樂基兒提議到主題公園玩一日,照片中三姊妹與母親笑容一致。

參選港姐從來都是入娛圈的最快途徑,同是港姐出身的佘詩曼、胡杏兒都貴為視後,有名有利。

黎明指太天真

4月中,香港小姐海外佳麗正式招募,又吸引一班海外少女發明星夢。本刊收到消息,身在美國三藩市的樂基兒同母異父 24歲細妹 Crystal,已入紙參選。知情人士透露:「 Crystal一直恨做明星,見到家姐 Gaile喺娛樂圈生活咁多姿多彩,有錢有面,成日叫家姐帶佢入行做 model,不過 Gaile次次都拒絕。上年 Crystal同 Gaile話想參選香港小姐,點知 Gaile即刻反對,話娛樂圈唔係咁簡單。當時姐夫黎明亦覺得 Crystal太天真同太單純,娛樂圈唔適合佢。為咗入行,兩姐妹都鬧過幾次交。」

黎明反對參選

樂基兒與黎明未離婚前,態度一致阻止 Crystal參選港姐。自去年兩人宣布離婚,樂基兒又周遊列國兼展開新戀情, Crystal就趁機選港姐殺入娛樂圈。

原本三姊妹一條心,但樂基兒經常出埠旅遊,與兩個細妹 Crystal、 Salena(右)較少見面,依家兩位妹妹一齊玩,反而感情更深厚。

兩妹一齊瞓

喜愛夜蒲

天王姐夫唔撐,家姐又反對, Crystal只好放棄參選上屆港姐。不過樂基兒與黎明宣布離婚後,半年來樂基兒只顧滑水滑雪,甚少返老家三藩市。據知 Crystal在無王管情況下,已成功遊說媽咪提名參選今屆港姐。

身高五呎九吋的 Crystal,除了擁有模特兒身形外,亦與樂基兒一樣喜愛夜蒲,在 Instagram內不難找到其「 clubbing照」。雖然未有酒醉面紅照片,但 Crystal滿足的笑容,就知佢好享受夜蒲,連樂基兒都有「 like」。

阿妹愛蒲兼充滿自信,性格勁似樂基兒,知情者續說:「 Crystal有自信有靚樣同埋高䠷身材,認定自己屬於娛樂圈,希望有一番作為。不過講到底,都係佢眼見家姐搵到錢,買幾層樓俾阿媽收租,自己都好想同佢一樣有咁嘅能力。 Crystal報名前都仲有問 Gaile批唔批准? Gaile當時滑緊雪,只係同 Crystal講,如果佢要參選都冇辦法,不過佢依然唔贊成!」

愛蒲一族

即將大學畢業的 Crystal,經常相約友人 clubbing,論樣貌身高,同班 friend比較都超曬班,相信吸引唔少夜蒲男士。

有仔埋身

在 instagram的照片中,這「爆牙男」經常伴索妹 Crystal左右,據知「爆牙男」 Peter是 Crystal的同學,曾經力追她但遭拒絕,兩人繼續維持朋友關係。

拔走智慧齒

樂基兒細細妹 Salena偷影 Crystal木無表情地坐在梳化,並取笑她剛拔走智慧齒,塊面又紅又腫。

餘詠珊:好想見佢

Crystal懶理家姐反對,誓要參加港姐。雖然挾住「樂基兒細妹」的名字,但 Crystal代表美國三藩市海外佳麗參選港姐,亦要從正途過關斬將才可入選,機會亦不是百分百。記者致電無綫非戲劇製作總監餘詠珊求證,當她聽到樂基兒細妹報名參加香港小姐,即時非常興奮說:「吓!我未知佢有參加喎!佢參加我哋梗開心啦,真係好有 gimmick(綽頭)呀!我都好想快啲見吓佢!其實海外佳麗先與當地電視台高層進行第一輪面試, OK咗之後,就可直接同我哋( TVB高層)進行視像面試,通過後就可以直接入準決賽!」

同母異父姊妹

樂母經歷兩段婚姻,樂基兒與兩細妹是同母異父的姐妹。去年樂基兒不在加國,其後父(左一)與兩親生女及樂母行超市,一享天倫樂。

佢選港姐好有 gimmick!(真實對白)

無綫非戲劇製作總監餘詠珊得知樂基兒索妹遞表參加港姐,興奮爆燈,覺得好有綽頭,仲同記者講好想見一見對方。《 FACE》圖片

海外佳麗有威脅

早年海外佳麗能躋身港姐三甲的機會不多,但隨住近幾年本地佳麗質素下降,令海外佳麗攞獎機會大增,不少海外佳麗殺出重圍,勇奪冠亞季軍和最上鏡小姐等獎項。



鍾意就快D Share啦!