《愛•回家》原本只有 300集，但因收視穩步上揚，加推 100集，眾演員都應該飲得杯落。
媽咪姐
撼低兩線劇《愛•回家》加集?
低處未見低，上周無綫兩線黃金檔劇集《神探高倫布》及《金枝慾孽貳》，平均收視只得 23點。反而處境劇《愛．回家》嘅收視保持穩定，上周平均收視亦有 24點，比兩線劇更高，情況相當罕見。
媽咪姐收到風，原定 300集嘅《愛．回家》會加多 100集，下周仲會安排觀眾到錄影廠參觀。不過監製徐遇安就透過電話表示：「會唔會加集數，高層仲開緊會傾。我哋嚟緊亦會做調查，睇下觀眾反應點。」而男主角黎諾懿就話：「我都係聽出面嘅人講，內部就仲未知。不過下星期六（ 11日）就會安排一班國內/外嘅影迷嚟電視城參與我哋嘅拍攝工作，同俾下意見我哋。」人算不如天算，《愛．回家》做咗長壽節目，真係估你唔到！
|
鍾意就快D Share啦！
|
|
|
