插圖： Wendy
揞名爆
「大富豪」人老色心不老
相信大家都聽過一句「名言」——幾多歲嘅男人都係鍾意廿歲嘅！咩話？你未聽過？ OK，請看以下例子。
某日，得閒會發表偉論嘅「大富豪」同幾個保鑣，飯後行經佢旗下某中環富貴商場。忽然，佢喺一間化妝品店門口，緊急煞停！跟住就好似電影橋段一樣，其中一名保鑣行入間 shop，向一位年約廿歲、個樣有啲似李英愛嘅化妝小姐遞上卡片。當然卡片上印嘅，斷唔會係呢位保鑣個名！大大隻字印住嘅係「大富豪」個大名，仲有 office電話㖭，而保鑣只係好 casual咁講咗句：「有時間可以打呢個電話，食餐飯。」
嘩！嘩！嘩！當保鑣一走出間舖，成班同事就圍住呢個靚靚化妝小姐，一人一句，發表假如我「當選」嘅宣言。結果，呢位被𥄫中嘅妹妹仔係無去 date「大富豪」嘅！點解？其實呢，阿「大富豪」福壽康年，孫都有幾個嘞！只可以講，港女就算幾想嫁入豪門，都唔同國內佳麗咁「進取」，係有底線囉。
|
鍾意就快D Share啦！
|
|
|
