因跳水觸發腰部舊患，令 Sa媽、粉絲們甚為擔心，紛紛叫阿 Sa退出。
媽咪姐
因傷退出 黃聖依拉埋阿 Sa落水
阿 Sa同內地藝人黃聖依喺內地節目《中國星跳躍》，以拍檔形式進行跳水演出。阿 Sa四月初開始比賽，初賽表現理想，但第二輪失手，落水時傷及腰部舊患，除咗有脊椎移位風險，嚴重時分分鐘下半身癱瘓，都咪話唔得人驚。雖然粉絲們同 Sa媽都有勸阿 Sa退賽，但阿 Sa就話做人要有始有終，堅持唔會放棄。
勢估唔到上周四（ 4月 25日）第三跳，阿 Sa嘅雙人跳拍檔黃聖依竟突然宣布因傷退出，仲幫阿 Sa宣布佢都腰傷要一齊退賽，搞到阿 Sa O曬嘴，俾唔切反應之外，仲忍唔住喺微博暗寸：「太驚喜了吧！」計媽咪姐話，盡咗努力就算啦，呢啲咁危險嘅運動應該留番俾專業人士做。
|
鍾意就快D Share啦！
|
|
|
