熱爆娛樂: Jessica C.硬曬　提升警戒 CUP別

2013年5月2日星期四

Jessica C.硬曬　提升警戒 CUP別

探熱針

Jessica C.硬曬　提升警戒 CUP別

胸襲香港轉眼六年，以招牌警鐘胸打出名堂的美菲混血名模 Jessica C.，近日收七位數字酬勞，半裸拍攝護髮產品廣告。環迴警鐘無遮無擋，居然可以反地心吸力又挺又硬，級數更驚見提升到 D鐘 cup別。為事業洩露不能說的企硬秘密，男友更因為未能私有化警鐘而跟 Jessica C.炒大鑊，隨時反枱。

絕不讓步

拍攝當日，半裸現身的 Jessica C.，「警」觀開揚之下，警鐘胸屹立不倒，毫無下垂跡象。對比一○年寫真集中的性感照片， 33C上圍明顯提升警界 cup別至 33D。

面對歷年Ⴡ模胸襲威脅， Jessica C.亦做好危機應變措施，加料力穀招牌標記。升 cup有道理，但遠超現實質感，反地心吸力神奇效果，在場工作人員亦嘆為觀止。

眼見事業現樽頸位，以往戀愛掛帥的 Jessica C.，不惜一脫求財再上，甚至跟拍拖數月的美國新歡 Mr.Bond炒大鑊。態度與上圍一樣企到硬的 Jessica C.，正與男友陷入冷戰。

10年寫真

半裸第一 round，係三年前的處女寫真，當時的上圍都冇依家咁挺。

正面睇，升上一級 33D的 Jessica C.表現抗地心吸力神功。

與美國新歡 Mr.Bond拍拖數月，便因她半裸的決擇不獲支持，而跟男友炒大鑊。

「佢（男友）擔心我俾人睇蝕曬，佢唔開心我明白！但我係 model，就要接受不同嘗試，行 catwalk都要真空上陣啦！所以我唔理，呃住佢話未有決定，到時再先斬後奏，影完先俾佢睇，其實唔係佢想像中咁暴露，佢明白嘅就會冇事，否則要分手，我都唔會後悔。」 Jessica C.說。

肯剝預告

終於明白麵包比愛情更重要，已經二十五歲的 Jessica C.，當年憑打印機廣告驚為天人，及後以招牌警鐘胸支撐人氣，不過一一年因涉嫌在銀行櫃員機盜竊，令事業帶來重挫。

在單親家庭長大，要肩負照顧兩個妹妹生活， Jessica C.身為家中長女，靠性感養家，早年先後於香港、日本發展，但事業未見順利，直到○九年，跟隨巴西籍模特兒前男友 Sergio再來港，跟葛民輝拍廣告終一炮而紅。要重拾當年人氣， Jessica C.唔想再錯失出位良機，甘冒分手之險，收百萬半裸求翻生。

熱身前， Jessica C.補妝整頭都要拉布遮遮掩掩，熱身後布都慳番。不過為免尷尬，髮型師派女助手幫她整理警鐘胸前的秀髮。

風扇一吹，側身睇的警鐘胸真係企得好硬。

為護髮產品 LSnP拍攝多輯索女相，其中這個運動造型，因包到冚，睇頭驟降。

目標加鬥心，只靠一把長髮及乳貼掩護， Jessica C.表現得毫無畏怯。其中一幕長髮被風吹起，堅挺警鐘胸環迴盡露，毋須拉布遮掩，證明事業鬥心通通返曬嚟！

再響警鐘，目標清晰， Jessica揚言唔介意半裸拍電影。「只要遇到合心意劇本，我唔介意就劇情需要半裸演出。就算男友同家人反對，我都一意孤行。」