大隻男優 激減 20磅做 AV男 杜汶澤肌戰蒼井空

阿澤將鍛煉成果不時放上 facebook及 Instagram，一星期前已急不及待騷半裸泳照上網。網上圖片

真面目

大隻男優　激減 20磅做 AV男　杜汶澤肌戰蒼井空

張家輝為拍《激戰》爆肌，一向肥底的杜汶澤竟挑戰高難度，為了在《豪情 2》迎戰蒼井空、吉澤明步和原紗央莉等日本女優，半年來狂操加節食激減 20磅。

阿澤愈操愈大隻，佢老婆田蕊妮仲爆佢操得「好開心！」梗係啦，有機會大戰 AV女為港爭光喎，阿澤點會愁呀？

要數近年最多產男星，一定係杜汶澤，連何超儀揼本 1,500萬將於 10月開拍的《豪情 2》都要搵佢做男主角。戲中講阿澤生意失敗淪落到去日本做 AV男優，與一班 AV女優蒼井空、吉澤明步、波多野結衣和原紗央莉等有床上戲，阿澤仲話正考慮全裸演出。

不再肥仔的杜汶澤操肌成績相當唔錯，查實已 fit過好多 AV男優。網上圖片

唔使勁到張家輝咁！（真實對白）

田蕊妮對老公變瘦十分滿意，但話近排各有各忙見面少咗。

杜汶澤（右圖）在網上大曬麒麟臂，真係幾有睇頭喎。阿澤話目標是減到 140磅，但減到 150磅就停滯不前，幾日前終於突破關口， 149.2磅，恭喜！網上圖片

網上圖片

愈操愈 high

據知阿澤請到幫張家輝練朱古力腹肌的魔鬼教練 Michael出馬，要將原本 170磅的阿澤操到 140磅，其間要狂做器械訓練及食減肥餐，半年操練已減了 20磅，差 10磅就達標。

張家輝拍《激戰》操到大叫怕怕，之前染過怪病的阿澤頂唔頂得住？上週五（ 13日）杜太田蕊妮就話冇有怕：「老公減得幾好，聽講導演都冇要求佢勁到張家輝咁，只要身形好睇就得喇！佢一有時間就去做 gym、同埋節食囉，仲好開心添，我都唔擔心佢舊病復發，好健康呀！」連老婆都放生，阿澤放心拍 AV啦！

即將上映的《爛滾夫鬥爛滾妻》，早前和周秀娜影 SM造型宣傳照時，阿澤仲係肥仔一名。

阿澤教煮雞

杜汶澤減肥餐餐只係食雞胸、菜、魚等，還經常在網上分享餐單，教人煮雞：「美國雞胸，凍水落煲，大火加熱至水滾即熄火加蓋焗三十五分鐘，汁多軟熟！少許胡椒和番茜調味即可。」有網友更要求阿澤介紹多啲菜式，大廚一樣。

煮好的雞胸肉睇落真係幾軟熟，難怪網友都讚。

教阿澤操肌的就是負責狂操張家輝和彭於晏的教練 Michael（左）。

鍾意就快D Share啦！

下一篇 》