梁嘉琪雖然威脅唔到女一翠如 BB，但就成功博得加戲分成為女二，心情大靚，並指示傅嘉莉上前進行拜神儀式。
真面目
成功爭取 靠黐加戲 梁嘉琪冧電監製犯眾憎
07年由有線電視過檔無綫的梁嘉琪，最近曝光率好高，剛剛播完《師父·明白了》，又主持節目《學是學非》；最近又有份拍新劇《愛我請留言》，好過唔少無綫出身的藝員。
據知，梁嘉琪深得新上位男監製陳耀全歡心，一向是戚其義愛將的陳耀全，去年正式升任監製，自然關照梁嘉琪，早在《金枝慾孽貳》開始，一連三劇都起用梁嘉琪。氹得掂監製，加戲冇問題啦！
梁嘉琪於 08年拍《學警狙擊》飾演花若葆（藥煲）時已算引起觀眾注意，最近又於《師父．明白了》飾演啞女一角，角色同演技都好有發揮，不過人氣始終被女一黃翠如騎住，《愛我請留言》新劇又係黃翠如擔正，梁嘉琪惟有出招搶戲。
好有男人緣
梁嘉琪近年拍的劇集《師父．明白了》和《愛我請留言》，都是由陳耀全監製。
原來陳耀全是前無綫金牌監製戚其義的愛將，在他還是編導的時候，戚其義已經放手給他去拍《金枝慾孽貳》同《珠光寶氣》的結局，去年陳終於由編導升為監製，而《師》是他首部監製的劇集，於新劇再度沿用《師》的原班人馬，當然亦有梁嘉琪份。
知情人士說︰「嘉琪好有男人緣，佢同班男幕後好玩得埋！佢同 Andy（陳耀全）好鬼 friend，次次梁嘉琪埋位， Andy特別緊張。」據知陳耀全仍未婚，有說其女友亦同在無綫工作，但梁嘉琪都未有避忌。
「佢係我嘅恩師」
上月 27日，梁嘉琪和傅嘉莉在中環拍外景，由傍晚拍至第二朝，監製先拍完梁嘉琪的戲分，直至淩晨 2點幾，等足成晚的傅嘉莉先落車開工，可見對梁嘉琪特別優待。冧掂監製，最近梁嘉琪亦成功加戲。「嘉琪喺《愛》同《師》都係做女二，雖然未可以上女一，但都想個角色出啲，之前個啞女角色，都係監製度畀佢嘅！最近《愛》劇佢本來冇咁多戲，不過忽然加咗好多靚位畀佢，好多人都知乜事，同劇啲女仔梗係唔多順氣啦！」知情人士說。
外景當晚，梁嘉琪同傅嘉莉全程都沒有任何交流，梁嘉琪只在監製陳耀全身邊氹氹轉，一時睇 playback、一時又對劇本，傅嘉莉則索性上車等埋位冇眼睇。上週五（ 13日），本刊致電梁嘉琪，她說︰「佢係一個好好嘅監製，佢係我嘅恩師，我又唔驚傳緋聞，拍劇啫！」唔係無綫親生女，但梁嘉琪勝在夠搏，抵你咁招積！
傅嘉莉白等
爭上癮
原來梁嘉琪有鋪同人爭嘅癮， 05年先在《夥頭智多星》同江若琳爭做女主角， 06年接住傳出與謝安琪爭仔，再到由有線過檔無綫，同一班無綫藝員爭拍劇。
|
鍾意就快D Share啦！
|
|
|